फिलाडेल्फिया । अमेरिकाको फिलाडेल्फिया स्थित राजमार्गमा गोली चल्दा १४ देखि २७ वर्ष उमेरका ६ जना व्यक्ति घाइते भएका छन् । उनीहरुको फिलाडेल्फिया स्थित स्थानीय अस्पतालमा उपचार भइरहेको जनाइएको छ । प्रहरीलाई कसैले फोन गरेर आइतबार साँझ जानकारी गराएका थिए । साँझ ५ः४५ बजेतिर सो गोलीकाण्ड भएको जनाइएको छ । घाइतेलाई स्थानीय टेम्पल युनिभर्सिटी अस्पतालमा उपचारार्थ लगिएको जनाइएको छ ।
घाइतेहरु मध्ये कसैको काँधमा गोली लागेको छ भने कसैको छातिमा लागेको छ । प्रहरीले सो गोलीकाण्डमा संलग्न कसैलाई पनि पक्राउ गरिसकेको छैन । घटनामा प्रयोग गरिएको हतियारपनि बरामद नभएको जनाइएको छ ।
वीरगंज संजाल
