काठमाडौं | ओमानमा पाँच राष्ट्र सम्मिलित टी-ट्वान्टी अन्तर्राष्ट्रिय क्रिकेट सिरिजअन्तर्गत नेपालले दोस्रो खेलमा आज बलियो प्रतिद्वन्द्वी नेदरल्याण्डस्सँग प्रतिस्पर्धा गर्दैछ । पहिलो खेलमा हङकङलाई पराजित गरेको नेपाल दोस्रो जितको खोजीमा हुनेछ । ओमानको अल अम्रेट क्रिकेट मैदानमा नेपाली समयअनुसार ११ बजेर १५ मिनेटमा खेल सुरु हुनेछ ।

आइतबार हङकङविरुद्धको खेलमा विनोद भण्डारीले उत्कृष्ट व्याटिङ गर्दै टोलीलाई जित दिलाएका थिए । नेदरल्याण्डस् पहिलो खेलमा आयरल्याण्डसँग ६ विकेटले पराजित भएको थियो ।

नेपालले अर्को खेल असोज २२ गते आयरल्याण्डसँग र अन्तिम खेल असोज २३ ओमानसँग खेल्नेछ । ओमानले आयोजना गरेको सिरिजमा नेपाल, आयोजक ओमान, हङकङ, नेदरल्याण्डस् र आयरल्याण्ड सहभागी छन ।