ठोरी गाउँपालिका -३ बुद्धनगरमा बुधबारदेखि सुरु सर्वाधिक पुरस्कार राशि भएको दोस्रो बुद्धनगर गोल्डकप प्रतियोगिता अन्तरगत शुक्रबार सम्पन्न खेलमा विजयवस्ती फूटबल टिम ठोरी -४ ले मून स्टार युवा क्लब ठोरी -३ लाई ६-० को फराकिलो गोल अन्तरमा पराजित गरेको छ।

बुद्धनगर खेल मैदानमा भएको प्रतियोगितामा विजयवस्ती टिमका तर्फबाट २ जना खेलाडीले समान तीन गोल गर्दै ह्याटि्रक गरेपछि मूनस्टार क्लब स्तब्ध भएको हो।बिजयवस्तीका लागी जर्सी न.९ का सागर चौधरी र जर्सी न.१२ का लक्ष्मण चौधरीले ह्याटि्रक गरेका थिए ।

खेलमा निकै आक्रामक देखिएको विजयवस्तीले सुरुवाती १० मिनेटमा नै ३ गोल गरेर ब्रम्हानगरलाई निकै दबाबमा राखेको थियो ।मध्यान्तरअघि ४-० ले अघि रहेको बिजयवस्तीले मध्यान्तरपछी थप २ गोल गरेपछि ब्रम्हानगरलाई पाखा लगाउँदै अघिल्लो चरणको यात्रा तय गरेको हो।आजको खेलमा विजयवस्तीकै प्रवीण चौधरी म्यान अफ द म्याच घोषित भएका थिए ।

यसअघि अघिल्लो खेलमा आमोदेवी युवा क्लब बढ्नियार नआएपछि न्यु सनलाईट क्लबलाई आयोजकले नेट गोलका आधारमा विजेता घोषित गरेको थियो।भोलिको पहिलो खेल महाबीर युवा क्लब बिरगंज र गढिमाई युवा क्लब बिरगंज तथा दोस्रो खेल नयाँवस्ती युवा क्लब ठोरी -३ र चौतारी युवा क्लब गडुवालाईनबीच हुने आयोजकले जनाएको छ।

जारी प्रतियोगितामा प्रथम हुने क्लबले रु ७५ हजार पुरस्कार राशि सहित शिल्ड,मेडल र प्रमाणपत्र प्राप्त गर्नेछन् भने दोस्रो र तेस्रो हुने टिमले क्रमशः रु ३५ हजार र रु १० हजार नगद तथा शिल्ड एवम् प्रमाणपत्र प्राप्त गर्नेछन्।