बिरगंज ।दसौं ,तिहाइ र छट पर्व नजिकीदै गर्दा व्यापारीहरु गलत कार्य गर्ने भएकोले यस्ता पर्वहरुलाई लक्षित गर्दै व्यापारीले लेबल नभएको , म्याद गुज्रिएको सामान , मुल्य भन्दा बढी लिने , सामानको कृतिम अभावको सृजना गर्ने जस्ता कार्य हुने हुदा उपभोक्ताहरु नठगिउन भन्ने उदेश्यले सोमबार बिरगंजको मुख्य बजार माईस्थान वरिपरिका पसलहरुमा अनुगमन गरिएको र अनुगमन गर्ने क्रममा त्यस्ता गलत गर्नेलाई कार्वाही गर्ने र राम्रो गर्नेलाई धन्यवाद दिने गरेको पर्साका प्रमुख जिल्ला अधिकारी नारायण प्रसाद भट्टराईले बताउनु भयो।

प्रमुख जिल्ला अधिकारी भट्टराई स्वयम पसल पसल पुगि व्यापारीहरुलाई दुई हात जोडि अनुगमनमा सहयोग गर्न र तपाईंहरुको साथमा रहेकोले त्रास नभैइ सहि कार्य गरि असल नागरिकको पहिचान दिन समेत अनुरोध गर्नु भएको थियो ।माईस्थान चोकमस रहेको प्रदिप किराना पसल , मा अम्बे ईन्टरप्राईजेज , सन्दिप किराना स्टोर , न्यु श्री गणेश किराना स्टोर , जय किराना ट्रेड्र्स , पुजा स्टोर , न्यु मा जानकी स्टोर्स , मा कल्याणि सिङ्गार र हरि किरानामा आज अनुगमन गरि त्यहा बिल बिजक भएता पनि सादा कागजमा लेखी दिएको ,

व्यवसायी प्रमाणपत्र नदेखाएको , लेबल नभएको लवकुस ब्रान्डको मखना ७ पिस नियन्त्रणमा लिई नस्ट गरिएको र मुख्य सप्लायर्समा रहेको ४८ बोरा मखनालाई बिक्री बितरणमा रोक लगाईएको बाणिज्य आपूर्ति तथा उपभोक्ता संरक्षण कार्यालय अबिरगंजका नायब सुब्बा एवं सूचना अधिकारी दिलिप खगले जानकारी दिनु भएको थियो ।खाद्य प्रबिधि तथा गुण नियन्त्रण डिभिजन कार्यालय बिरगंजका कार्यालय प्रमुख रत्नकान्त झाको नेतुत्वमा गएको अनुगमन टोलिमा, नेपाल पत्रकार महासघ पर्साका अध्यक्ष श्याम बन्जरा, जिल्ला प्रहरी कार्यालय पर्साका प्रहरी नायब उपरीक्षक अनन्तराम शर्मा , बाणिज्य कार्यालय बिरगंजका कार्यालय प्रमुख ओम नारायण शर्मा

, घरेलुु तथा साना उद्योग कार्यालय बिरगंजका प्रमुख रिमा साह , जिल्ला प्रशासन कार्यालय पर्साका प्रशाशकिय अधिकृत भानुभक्त बराक , खाद्य प्रबिधिका सुचना अधिकारी श्रवण साह , उपभोक्ता हित संरक्षण मञ्च बिरगंजका नगर अध्यक्ष अजित कुमार भुजेल , बिरगंज महानगर पाकिकाका बिपिन कुमार लाल दास, बिरगंज उद्योग बाणिज्य संघका हेम शंकर कर्ण, जिल्ला प्रहरी कार्यालय पर्साका प्रहरी सहायक निरीक्षक टकराज राई लगायतकाको सहभागिता रहेको थियो ।prahar daily