महोत्तरी|धर्वेन्द्र कुमार यादव ।महोत्तरीको गौशाला नगरपालिका १२ स्थित राष्ट्रिय माध्यमिक विद्यालय कान्तिवजार विद्यालयमा अध्ययनरत ५ सय ७ जना छात्रालाई छात्रवृतिस्वरुप झोला वितरण गरिएको छ ।

वुधवार दिउँसो विद्यालयमा आयोजित एक समारोहकावीच कक्षा १ देखि कक्षा १० सम्मका छात्रा तथा विद्यालयमा अध्ययनरत दलित समुदायको छात्रलाई छात्रवृतिस्वरुप झोला वितरण गरिएको हो ।

तत्कालको लागि कक्षा १० सम्मका छात्राहरुलाई झोला वितरण गरिएको र वाँकी रहेको कक्षा ११ र कक्षा १२ का छात्राहरु विद्यालयको कोषबाट झोला वितरण विद्यालयका प्रधानाध्यापक देवीप्रसाद घिमिरेले बताएका छन ।

नेपाल सरकारबाट प्राप्त भएको २ लाख २ हजार ८ सय रकमबाट उक्त शैक्षिक सामग्री वितरण गरिएको विद्यालय स्रोतले जनाएको छ