वीरगन्ज । लामो समयको अन्योलतापछी बारामा बनाउने भनिएको दोस्रो अन्तराष्ट्रिय बिमानस्थलले गती लिनेमा आशाबादी भएका यस क्षेत्रका जनतामा पछिल्लो समय भने निराशा जागेको छ ।

पर्यटनमन्त्री योगेश भट्टराईले यसै बर्ष मंसिरमा बिमानस्थल शिलान्यास गर्ने सार्वजनिक रुपमै घोषणा गरेपछी हौषिएका नागरिकमा पछिल्लो समय प्रदेश २ का मन्त्रीको एक अभिब्यक्तीले पुन अन्योलता छाएको छ ।

भाद्र १५ गतेको एक राष्ट्रिय दैनिक पत्रिकामा प्रदेशका उद्योग, पर्यटन बन तथा वातावरणमन्त्री रामनरेश रायको अभिब्यक्तीमा आधारित ‘प्रस्तावित निजगढ अन्तर्रा्ष्ट्रिय विमानस्थल : प्रदेश २ ले रूख काट्न नदिने’ शिर्षकको समाचार प्रकाशित भएको थियो । जसमा मन्त्री रायले संघिय सरकारले प्रदेशसँगसँग समन्वय नै नगरी गरेको निर्णयप्रती आफुहरु असहमत रहेको जनाउँदै बिमानस्थलका लागि रुख काट्न नदिने बताएका थिए । साथै उनले बन बिनास नगरी बिमानस्थलब बनाउन प्रदेश २ मै अर्को स्थान देखाईदिने समेत बताएका थिए ।

तर उनको अभिब्यक्तीको यतीबेला तिब्र आलोचना भैरहेको छ । एकातिर सामाजिक सञ्जालमा मन्त्रीको सो अभिब्यक्तीलाई बिकास बिरोधीको संघ्या दिईएको छ, कतै मन्त्रीको पुत्ला समेत दहन भएको छ ।
यतिमात्रै नभै बाराका केही स्थानिय तहले बिज्ञप्तीनै सार्वजनिक गर्दै मन्त्रीको अभिब्यक्तीप्रती आपत्ती जनाएका छन् । जीतपुरसिमरा उपमहानगरपालिका, निजगढ नगरपालिका र कोल्हवी नगरपालिकाले आईतबार बिज्ञप्ती जारी गर्दै शिलान्यास हुने समयमा प्रदेशका मन्त्रीबाट अधिकारिक रुपमै आएको यस्तो अभिब्यक्तिले आम नागरिकमा निराशा पैदा गरेको बताएका छन् ।

‘बिमानस्थल निर्माणका लागी पूर्वतयारी धेरै हदसम्म भइसकेको र शिलान्यास हुने समयमा प्रतिकुल अभिब्यक्तीले हामिलाई निराशा बनाएको छ ।’, जीतपुरसिमरा उपमहानगरका मेयर डा. कृष्ण पौडेलद्वारा हस्ताक्षरित बिज्ञप्तीमा भनिएको छ, ‘आयोजनाको काम बिनाबिलम्ब अघी बढाउन पहलकदमी भुमिका निर्वाह गर्न हार्दिक अपिल गर्दछु ।’

त्यस्तै निजगढ नगरपालिकाका मेयर सुरेश कुमार खनालले बिमानस्थल क्षेत्रभित्र पर्ने टाँगियाबस्तीका एक हजार चार सय ७६ घरधुरीलाई उचित ब्यवस्थापन गर्दै कम रुख कटान गरेर ग्रिन एयरपोर्ट निर्माण गरेर पनि बन तथा वातावरण जोगाउन सकिने भएकाले बिमानस्थल बारामा बनाउन पर्छ भन्ने धारणा ब्यक्त गरेका छन् । बिज्ञप्तीमार्फत उनले बिकासका सम्बन्धमा बिभिन्न बिरोधाभास आवाजहशरु सुनिन थालेको भन्दै यसको बिरोधमा उत्रिन नागरिकहरुलाई आह्वान समेत गरेका छन् ।

उता कोल्हवी नगरपालिकाले पनि बिज्ञप्ती निकाल्दै मन्त्रीको भनाईप्रती आपत्ती जनाएको छ । जग्गा अधिग्रहण गरी मुआब्जा समेत बितरण र जग्गा तारबार समेत भैसकेको अवस्थामा मुख्य जिम्मेवार मध्येको प्रदेश सरकारका उद्योग, पर्यटन बन तथा वातारण मन्त्रीबाट आएको गैर जिम्मेवार अभिब्यक्तीप्रती खेद प्रकट गरिएको मेयर भरत भण्डारीद्वारा हस्ताक्षरित बिज्ञप्तीमा जनाईएको छ ।