भारतले जम्मू–कश्मीर बाट अनुच्छेद ३ं७० हटाउने निर्णय पश्चात पछिल्लो समय भारत र पाकिस्तान बिचको सम्बन्ध चर्कदै गएको छ । पाकिस्तानले लगातार भारतको निर्णयको विरोध गरेको छ र आफनो चिनिया छिमेकीलाई यो मुद्धाको विषयमा संयुक्त राष्ट्र सुरक्षा परिषदको बैठक बोलाउन आग्रह गरेको छ । चीनले जम्मू–कश्मीर माथि पाकिस्तानको अभियोगलाई सुन्नको लागी राष्ट्र संघ समक्ष माग समेत गरेको छ । जानकारी अनुसार यो विषयमा १६ अगस्टमा यूएनएससी मा बैठक हुन सक्नेछ ।

मिडिया रिपोर्ट अनुसार, चीनको तर्फबाट आधिकारीक रुपमा पोल्याण्डलाई चिठ्ठी लेखिएको छ । पोल्याण्ड आउँदो महिना अगस्ट महिनाको काउन्सिल चेयरम्यान हो । यही कारण बैठक बोलाउनको लागी उसको मञ्जुरी आवश्यक हुन्छ ।

चिनको यो मागलाई लिएर संयुक्त राष्ट्रको विषयमा कुरा भईरहेको एक अधिकारीले बताए । यो भन्दा पहिला चिनले यो घटनामा भारत–पाकिस्तानले शन्तिपुर्ण निकास खोज्नु पर्ने बताउदै आइरहेको थियो । यो विषयमा पाकिस्तानका विदेश मन्त्रि शाह महमूद कुरैशीले पनि संयुक्त राष्ट्रलाई चिठ्ठी लेखेका थिए । उनी चिन गएरै त्यहाँका विदेश मन्त्रिसँग भेटवार्ता गरेका थिए । पाकिस्तानको आरोप छ कि भारतद्धारा जम्मू–कश्मीर माथि लिइएको निर्णय संयुक्त राष्ट्रको नियमको उलंघन हो ।

भारत सरकारले जम्मू–कश्मीर बाट अनुच्छेद ३७० लाई हटाएर त्यसलाई दुई भागमा विभाजित गर्दे केन्द्र शासित प्रदेश बनाइदिएको छ ।