वीरगंज संजाल
काठमाडौं, साउन ३० । प्रहरीले पत्रकार रवि लामिछानेलाई पक्राउ गरेको छ । माउण्टेन टिभीमा कार्यरत पत्रकार शालिकराम पुडासैनीको मृत्यु प्रकरणमा बिहीबार साँझ न्युज २४ को कार्यालय बाटै रबि लामिछाने र युवराज कँडेललाई प्रहरीले पक्राउ गरेको हो ।
जिल्ला प्रहरी कार्यालय चितवन र काठमाडौं प्रहरी परिसरको टोलीले उनीहरुलाई पक्राउ गरेको हो ।
मृतक पत्रकार पुडासैनीले आफूले लामिछाने, कँडेल र अस्मिता कार्की लगायतको कारणले आत्महत्या गर्न बाध्य पारेको रेकर्डेट भिडियो सार्वजनिक भएको थियो । प्रहरीले एक अस्मिता कार्कीलाई पनि बिहीबारै पक्राउ गरीसकेको छ ।
गत साउन २० गते राति नारायणगढस्थित पोखरा बसपार्क नजिकैकाे होटल कंगारुमा झुण्डिएको अवस्थामा पुडासैनीको शव फेला परेको थियो ।
