Krishna Shrivastav

वीरगंज । जनकपुरधामबाट चोरीको सामान सहित एकजना पक्राउ परेका छन् । जनकपुरधाम उपमहानगरपालिका १२ हनुमान नगर स्थितबाट स्थानीयको सहयोगमा प्रहरी चौकी हनुमाननगरबाट सादा पोशाकमा खटेको टोलीले सामान सहित एकजनालाई नियन्त्रणमा लिएको जिल्ला प्रहरी कार्यालय धनुषाले जनाएको छ । पक्राउ पर्नेमा २३ वर्षीय राजेश मण्डल रहेको प्रहरी प्रवक्ता प्रहरी नायव उपरीक्षक वेदप्रसाद गौतमले जानकारी दिए । प्रहरीले युवकको साथबाट मोवाईल २ थान, नेपाली रु २ हजार, भारतीय रु ८७०, चाँदीको पाउजु २ थान, कानमा लगाउने मुन्द्रा १ थान र पर्स १ थानसहित चोरी गरी भाग्दै गरेको अवस्थामा युवकलाई नियन्त्रणमा लिएको हो

वीरगंज । आर्थिक वर्ष सकिन एक महिना मात्रै बाँकी रहँदा पर्सामा रहेका मधेस प्रदेश सरकार मातहतका विकास निर्माणसँग सरोकार राख्ने सरकारी कार्यालयहरुले ४० प्रतिशत मात्र विकास बजेट खर्च गर्न सकेका छन् । प्रदेश लेखा इकाइ कार्यालय पर्साको तथ्यांक अनुसार चालु आर्थिक वर्षमा पर्सा जिल्लास्थित मधेस प्रदेश मातहतका सरकारी कार्यालहरुको विकास बजेट ३ अर्ब ७५ करोड ५० लाख ५२ हजार रुपैयाँ रहेकोमा आइतबारसम्ममा जम्मा १ अर्ब ५१ करोड १६ लाख ५९ हजार ६ सय ४८ रुपैयाँ मात्र खर्च हुन सकेको छ । मन्त्रालयगत रुपमा हेर्दा अर्थ मन्त्रालय मातहतका कार्यालयले १९ लाख

वीरगंज । निर्माण व्यवसायी संघ पर्साका पूर्वअध्यक्ष रामाकान्त चौरसियालाई प्रहरीले नियन्त्रणमा लिएको छ ।जिल्ला प्रशासन कार्यालय पर्सामा आइतबार भइरहेको छलफलका क्रममा अर्को पक्षमाथि हातपात गर्नुका साथै कार्यालयको फर्निचर तोडफोड समेत गरेको आरोपमा चौरसियालाई प्रहरीले नियन्त्रणमा लिएको हो । आर्थिक लेनदेनका विषयमा परेको उजुरीका विषयमा आइतबार पर्साका सहायक प्रमुख जिल्ला अधिकारी भीमकान्त पौडेलको रोहबरमा उनकै कार्यकक्षमा चौरिया र ढुङगा गिट्टीका ठेकेदार त्रिपुरारी प्रसाद बिच छलफल चलिरहेको थियो । छलफल चलिरहकै बेला चौरसियाले त्रिपुरारीमाथि हातपात गर्दै कार्यालयमा रहेको टेबल तोडफोड समेत गरेपछि उनलाई नियन्त्रणमा लिइएको पर्साका प्रहरी नायब उपरीक्षक निर्मल बुढाथोकीले जानकारी

वीरगंज । रामनिवास पटेल । वीरगन्ज महानगरपालिकास्थित रहेको नारायणी अस्पतालमा आउने सम्पूर्ण सेवाग्राही लगायत बटुवा , यात्रु , रिक्सा र ठेला चालकहरुलाई निःशुल्क आजदेखि निम्बु र पानी खुवाइएको छ । नारायणी अस्पताल मेडिकल विभागका चिकित्सकहरुको सहयोगमा अस्पतालको कार्यकक्षमा आज देखि निःशुल्क निम्बू र चिसो पानी खुवाउने कार्यक्रम आज देखि सुरू गरिएको हो । गर्मीबाट थोरै भए पनि राहत पुगोस् भनेर अस्पतालमा आउने सम्पूर्ण सेवाग्राही लगायत बटुवा, यात्रु ,रिक्सा , ठेला , अटो चालक गरि सम्पूर्णलाई गर्मी मौसम रहुन्जेल सम्म निशुल्क निंबु र पानी खुवाउने कार्यक्रम रहेको कन्सल्टेन्ट फिजिसियन डाक्टर राकेश

वीरगंज । पर्साकाे पाेखरिया नगरपालिका वडा नम्बर ४ पाेखरिया बजारस्थित पाेखरिया अस्पतालकाे स्तराेन्नती गरिने भएकाे छ । मधेस प्रदेश सरकार मातहत रहेकाे पाेखरिया अस्पताललाई ५० शैया(बेड) मा स्तराेन्नती गरिने भएकाे हाे । आगामी आर्थिक वर्ष २०८०/८१ का लागि प्रदेश सरकारले ल्याएकाे नीति तथा कार्यक्रममा पाेखरिया अस्पताललाई स्तराेन्नती गरि ५० बेडकाे बनाइने उल्लेख छ । पर्सा जिल्लाकाे दाेश्राे सदरमुकामका रुपमा परिचित पाेखरियामा रहेकाे पाेखरिया अस्पतालकाे स्तराेन्नतीका लागि प्रदेशसभा सदस्य एंव नेपाली कांग्रेस पर्साका सभापति जनार्दन सिंह क्षेत्रीले पहल गरेपछि प्रदेश सरकारका स्वास्थ्य तथा जनसंख्या मन्त्री वीरेन्द्र सिंहले सरकारकाे नीति तथा कार्यक्रममा

वीरगंज । दाइजोलाई लिएर यहाँका दुई छुट्टाछुट्टै घटनामा दुई महिलाको हत्या भएको छ । सर्लाही हरिपुर नगरपालिका वडा नं ३ स्थित फरहदवा र वडा नं ६ स्थित लक्ष्मीपुरमा दुई महिलाको हत्या भएको हो । वडा नं ३ स्थित फरहदवाका अब्दुल साह फकिरले अन्दाजी २३ वर्षीया श्रीमती ईदा खातुनको हत्या गरेको जिल्ला प्रहरी कार्यालय सर्लाहीका प्रहरी प्रमुख प्रहरी उपरिक्षक नरेशराज सुवेदीले जानकारी दिनुभयो । सुवेदीका अनुसार अब्दुलले श्रीमतीलाई माइतबाट रु एक लाख नल्याएको भन्दै पटक-पटक मानसिक तथा शारीरिक यातना दिने गरेका थिए । यातनापछि ईदा माइत गएको तर छलफलपछि केही समय

वीरगंज । महोत्तरीमा ट्याक्टरमा मोटरसाइकल ठोक्किँदा एकजनाको मृत्यु भएको छ । मृत्यु हुनेमा महोत्तरीको औरही नगरपालिका २ का ६० वर्षीय ताहिर अंशारी छन् । जिल्ला प्रहरी कार्यालय महोत्तरीका प्रहरी प्रवक्ता डिएसपी दिलीपकुमार गिरीका अनुसार शनिबार दिउँसो पौने २ बजे बर्दिबास नगरपालिका २ वुद्धचोक नजिक बर्दिबास औरही सडक खण्डमा दुर्घटना भएको हो । दक्षिणबाट उत्तर तर्फ आउँदै गरेको ज १ त १७४३ नम्बरको ट्याक्टरमा लोड भएको बिजुलीको पोलमा विपरीत दिशाबाट आउँदै गरेको ज.४ प. २३५१ नम्बरको मोटरसाइकल ठोक्किएर चालक अंशारी गम्भीर घाइते भएका थिए । उनको उपचारको क्रममा बर्दिबास स्थित सरकारी

वीरगंज । वीरगन्ज महानगरपालका वडा नम्वर ६ स्थित नाला सफाई गर्ने क्रममा आइतबार बिहान ठूलो परिमाणमा बन्दुकमा प्रयोग हुने गोली फेला परेको छ । महानगरपालिकाका कर्मचारीहरुले नाला सफाई गर्ने क्रममा प्लास्टिकको झोलामा विभिन्न हतियारमा प्रयोग हुने १०५ थान गोली फेला परेको हो । नाइन एमएमको ३२ थान, ३८ बोरको २४ राउण्ड, एसएलआरको ४ राउण्ड, हर्नेटको १७ राउण्ड सहित अन्य विभिन्न बन्दुकमा लाग्ने गरि कुल १०५ राउण्ड गोली फेला परेको पर्साका प्रहरी उपरीक्षक कोमल शाहले जानकारी दिए । फेला परेको मध्ये ४ वटा गाेली बिग्रेकोअवस्थामा भेटिएको पनि उनले जानकारी दिए ।

वीरगंज । प्रचण्ड गर्मीसँंगै सिम्रौनगढ़बासीलाई खानेपानीको समस्याले पिरोलेको छ\ सिम्रौनगढ़का खानेपानी संस्थानले मागअनुसार आपूर्ति गर्न नसकेपछि पानीको हाहाकार भएको हो। सिम्रौगढ़ खाने पानी संस्थानले पानी वितरण गर्न नसकेपछि स्थानीयबासी परम्परागत सार्वजनिक चापा कलमा भर पर्न बाध्य भएका छन्। संसथानद्वारा वितरित धाराको पानी नाममात्रको भएको स्थानीयको गुनासो छ। ‘सातामा एक दुई पटक आउने पानी पनि कहिले धमिलो आउँंछ त कहिले के,’ उपभोक्ता हरुको भनाइ छ। संस्थानले पर्याप्त पानी आपूर्ति गर्न नसक्दा उपभोक्ता बोतल र जारको पानी किनेर खान बाध्य छन् । यता सम्बन्धित निकाय पनि कानमा तेल हालेर बसेका छन। पछिल्लो

वीरगंज । उच्च अदालत वीरगन्जमा कार्यरत अधिकृत नारायण प्याकुरेल बलात्कार आरोपमा पक्राउ परेका छन् । २२ वर्षीय किशोरीलाई जबरजस्ती करणी प्रयास गरेको आरोपमा विराटनगरबाट अधिकृत प्याकुरेललाई पक्राउ गरिएको मोरङ प्रहरीले जनाएको छ । राति किशोरीको घरमा नै गएर जबरजस्ती करणीको प्रयास गरेको जाहेरीका आधारमा अधिकृत प्याकुरेललाई पक्राउ गरेको प्रहरीको भनाइ छ । प्याकुरेलविरुद्ध जबरजस्ती करणी उद्योगमा जाहेरी दर्ता भएको छ।

वीरगंज । रामनिवास पटेल । इन्टरनेट सेवा प्रदायक कम्पनी क्लासिक टेकको गुणस्तरहिन सेवाका कारण पोखरियाका सेवाग्राही पिडित बनेका छन् । आफूलाई देशकै सर्वोत्कृष्ट इन्टरनेट सेवा प्रदायक भनेर दावी गर्ने क्लासिक टेकले काम भने ठिक उल्टो गर्ने गरेको प्रयोगकर्ताहरुको गुनासो छ । इन्टरनेटमा आएको समस्या बारे गुनासो गरेको बीस दिन बितिसक्दा पनि कुनै सुनुवाइ नभएको क्लासिक टेकक प्रयोगकर्ता पोखरिया – ७ निवासी अविनास पटेलले दुःखेसो पोखे । ग्राहक प्रतिनिधि केन्द्रमा फोन गर्दा समस्या बारे सम्बन्धित ब्राञ्चलाई जानकारी गराइएको जवाफ आएपनि वीरगन्ज ब्राञ्चले समस्या समाधानका लागि कुनै काम नगरेको पटेलले बताए ।