वीरगंज । वीरगंजको नारायणी अस्पतालमा खानेपानी मेसिन जडान गरिएको छ । अस्पतालमा उपचारका लागि बिरामी , सेवाग्राहीका साथै स्वास्थ्यकर्मीका लागि स्वच्छ खानेपानी उपलब्ध गरउनका लागि वीरगन्ज महानगरपालिकाले खानेपानी मेसिन जडान गरेको हो ।

मंगलबार वीरगन्ज उपमहानगरपालिकाका उपमेयर इम्तियाज आलमले उक्त खानेपानी मेसिनको उद्घाटन गरेका छन् । नारायणी अस्पतालमा खानेपानीको अभाव हुदाँ बिरामी , सेवाग्राही र त्यहाँ कार्यरत स्वास्थ्यकर्मीलाई समस्या परेको थाहापछि आफनो पलहमा चिसो र तातो दुवै किसिमको पानी आउने मेसिन जडान गरिएको उपमेयर आलमले बताए ।

उपमेयर आलमले आगामी दिनमा पनि नारायणी अस्पतालको सेवा सुविधालाई थप गुणस्तरीय बनाउदै मधेस प्रदेशकै नमुना अस्पतालको रुपमा विकास गर्दै लैजाने योजना रहेको बताए । कार्यक्रममा वीरगन्ज महानगरपालिकाका प्रमुख प्रशासकीय अधिकृत लक्ष्मी प्रसाद पौडेल , नेपाली कांग्रेसका युवा नेता धर्मराज यादव,उपमेयरका स्वकीय सचिव शेष हजरा,संचारकर्मी राहुल गुप्ता लगायतको पनि उपस्थिती रहेको थियो।