वीरगंज । महोत्तरीमा बस दुर्घटना हुँदा ८ जना घाइते भएका छन् । काठमाडौंबाट राजविराज तर्फ जाँदै गरेको ना ६ ख १८८२ नम्बरको शिव शक्ति बस बर्दिबास नगरपालिका ११ पूर्वपश्चिम राजमार्गको शिव चोकनजिक दुर्घटना हुँदा ८ जना घाइते भएको प्रहरीले जनाएका छन् ।

घाइते हुनेमा सप्तरीका ३० वर्षीय फूल कुमार पासवान, सिराहाको नरहा १ का २४ वर्षीय नागेश्वरी महतो, कल्याणपुर ६ का ४५ वर्षीय डोमा दास, कर्जनाहा ३ का २१ वर्षीय रामबिनय दास, २० वर्षीय मन्दिप महतो, २१ बर्से मिथलेस दास र सिराहा गोलबाजार ६ का २७ वर्षीय राजु सदा रहेका छन् ।

घाइतेहरूलाई बर्दिबास स्थित ट्रमा सेन्टर भर्ना गरिएको छ । इलाका प्रहरी कार्यालय बर्दिबासका अनुसार सडक छेउमा बिग्रिएर रुकेको प्रदेश २.०१.००१ख ०२२१ नं को ट्रकमा बिहान छ बजेतिर ठोकिदा दुर्घटना भएको हो । बसमा रहेका २२ यात्रु मध्ये अन्यको अवस्था सामान्य रहेको प्रहरीले जनाएको छ ।