रौतहट । रौतहटमा एक हप्तामै दुईजनाको हत्या भएपछि सुरक्षाकर्मीको कार्यशैलीमाथि आम जनता पार्टीको राष्ट्रीय अध्यक्ष प्रभू साहले आशंका व्यक्त गरेका छन्।
केही दिन अगाडी मात्र गौर नगरपालिका–७ सिसवा गाउँमा छुरा प्रहार गरी ५० वर्षीय यार महमद खानको हत्या भएको थिए । त्यो हत्या न शेलाउँदै गए राती फेरी रौतहटको देवाही गोनाही–१ करूनिया गाउँका ७५ वर्षीय शेख तैयबलाई गोली हानेर हत्या गरिएको हो ।
खानको गोली हानेर हत्या भएपछि यस घटनाको उनले निन्दा गर्दै दोषीलाई कारवाहिको माग गरेका छन्।
साथै उनले यस शृंखलाबद्ध रुपमा भइरहेको हत्याहिंसा तथा अपराधिक घटनाले जनतामा त्रासको स्थिति सृजना मात्र भइरहेको समय सुरक्षा निकायको कार्यक्षमता माथी नै गम्भिर प्रश्न खड़ा भएको बताएका छन्।
उनले सामाजिक सञ्जालमा भनेका छन्, ‘गम्भिर प्रकृतिको आपराधिक घटनाको साथै सर्वप्रथम, म यो शृंखलाबद्ध रूपमा भएको गम्भिर हत्याको घोर भर्त्सना गर्दै यस घटनाहरुमा संलग्न अपराधीहरुको खोजतलास गरी तुरुन्त कानूनी कार्यवाहीको दायरामा ल्याउन गृह प्रशासनलाई गम्भीर ध्यानाकर्षण सहित प्रभू साहले माग गरेका हुन्।