वीरगंज। यही बैसाख २० गते करिब ४ बजे को समयमा जिल्ला पर्सा बीरगञ्ज महानगरपालिका वडा नं. १६ चालिसफिटे स्थित सडकखण्डमा तालुक मधेश प्रदेश प्रहरी कार्यालय, जनकपुर तथा जिल्ला प्रहरी कार्यालय पर्साबाट खटिएको संयुक्त बिशेष प्रहरी टोलिले BR 01 PG 6577 नम्बरको सेतो रङ्गको स्कार्पियो गाडीलाई कानूनी रीतपुर्याई जाँच गर्दा सेतो प्लास्टिकको झोला भित्र नेपाली नक्कली नोट रू.१००० दरको नोट- ४५० थान र रु.५०० दरको नोट- ७२ थान गरी जम्मा नेपाली नक्कली नोट रु. ४,८६,०००।- (चार लाख छयासी हजार ) र सक्कली रु.१००० दरका नोट- २०० थान गरी जम्मा नेपाली नोट रु. २,००,०००।- (दुई लाख) फेला पारेको छ। 
फेला परेको उक्त गाडी चालक जिल्ला सर्लाही गोडौता नगरपालिका वडा नं. १२ मधुवनी गाँउ बस्ने बर्ष ३४ को आनन्द बर्दन सिंह र गाडीमा सवार जिल्ला बारा परवानीपुर गाउँपालिका वडा नं. ३ बस्ने बर्ष ३६ को ओम प्रकाश साह समेतलाई उल्लेखित
नम्बरको स्कार्पियो गाडी र नक्कली नोट सहित नियन्त्रणमा लिई जिल्ला प्रहरी कार्यालय पर्सामा ल्याई निजहरु बिरुद्ध मुद्रा सम्बन्धी कसुरमा (नक्कली मुद्रा प्रयोगमा ल्याउन नहुने) बैसाख २१ गते पर्सा जिल्ला अदालतबाट ७ दिन म्याद थप गरि थप अनुसन्धान कार्य भई रहेको जिल्ला प्रहरी कार्यालय पर्साका प्रहरी नायव उपरीक्षक प्रवक्ता तथा सूचना अधिकारी निर्मल बुढाथोकीले बताउनु भएको छ।
