वीरगञ्ज । मकवानपुरमा मोटरसाइकल दुर्घटना हुँदा बारा जिल्लाका दुई युवाले ज्यान गुमाएका छन् । जिल्लाको भिमफेदी गाउँपालिका-६ जुरिखेतमा बागमती प्रदेश ०२-०२० प ४२३७ नम्बरको मोटरसाइकल दुर्घटनामा परी उनीहरुको मृत्यु भएको हो ।

जिल्ला प्रहरी कार्यालय मकवानपुरका प्रहरी नायब उपरीक्षक एवम् प्रवक्ता (डिएसपी) टेकबहादुर कार्कीकाअनुसार बुधबार साँझ काठमाडौँबाट हेटौँडातर्फ आउँदै गरेको अवस्थामा अनियन्त्रित भई मोटरसाइकल दुर्घटना भएको थियो ।

दुर्घटनामा परी बाराको प्रसौनी गाउँपालिका – ५ निवासी २५ वर्षीय लालबाबु सहनी र २० वर्षीय रवीन्द्र मण्डलको मृत्यु भएको छ । मृतक दुबैजनाको शव हेटौँडा अस्पतालमा राखिएको छ ।