वीरगंज । मोटरसाइकल दुर्घटना हुँदा ललितपुरको महांकालमा श्रीमान–श्रीमतीको मृत्यु भएको छ।
मंगलबार बिहान करिब पौने ११ बजे महांकाल गाउँपालिका १ बुखेल रातोपहिरोस्थित भित्री सडकमा दुर्घटना हुँदा २ जनाको मृत्यु भएको जिल्ला प्रहरी कार्यालयका प्रहरी नायव उपरीक्षक भुवनेश्वर साहले जानकारी दिए। बा ३९ प ४८९९ नम्बरको मोटरसाइकल अनियन्त्रित भई सडकबाट करिब ४ सय मिटर तल खसेको डिएसपी साहले बताए।
दुर्घटनामा बागमती गाउँपालिका ७ घर भई महांकाल १ बुखेल बस्ने ३५ वर्षीय विष्णुप्रसाद फुँयाल र उनकी ३४ वर्षीया श्रीमती सृजना फुँयालको मृत्यु भएको हो। यस्तै, उक्त मोटरसाइकलमा सवार उनीहरूकी ५ वर्षीया छोरी सृजला फुँयाल गम्भीर घाइते भएकी छन्। उनको पाटन अस्पतालमा उपचार भइरहेको छ।
