वीरगंज । बिगतमा नागरिकले पाँउदैआएको सेवासुबिधाको मागगर्दै जनप्रतिनिधिहरुले नै स्थानीय कटहरिया नगरपालिकामा ज्ञापनपत्र बुझाएका छन । पुर्वमेयर सियाराम कुश्वाहाको कार्यकालमा नगरबासिले पाँउदै आएको सेवासुबिधा पुनः पाउनुपर्ने माग सहित निर्वाचित ४ जना वडा अध्यक्षले सोमबार कटहरिया नगरपालिकामा ज्ञापनपत्र बुझाएका हुन। वडा नम्बर ४ का वडा अध्यक्ष चन्दन कुशवाहा,वडा नम्बर २ का वडा अध्यक्ष हरिन्द्र साह कलवार,वडा नम्बर ३ का वडा अध्यक्ष श्यामाकान्त प्रसाद यादव र वडा नम्बर ६ का वडा अध्यक्ष जयराम चौधरीले संयुक्त रुपमा कटहरिया नगरापलिकाकी उप प्रमुख रिता देवी यादव र नि.प्रमुख प्रशासकिय अधिकृत रामप्रकाश साहलाइ उक्त ज्ञापनपत्र बुझाएका छन ।

घरेलु प्रयोजनमा खर्च भएको विधुत महसुल,कृषिकार्यमा खर्च हुने विधुत महशुल ,निशुल्क खानेपानी सेवा ,मालपोत महशुल निशुल्क,निशुल्क सौचालय सरसफाई सेवा नगरपालिकाले पुनः सुचारु गर्नुपर्ने ज्ञापनपत्रमा उल्लेख रहेको छ।त्यसैगरी बिगतको जस्तै दिउँसो छोरिको विवाह गराउने अभिभावकलाई तर्फ २० हजार र छोराको बिवाह दिउसो गराउने अभिभावक लाई नगरपालिकाले १० हजार रुपैया दिनुपर्ने लगायत ज्ञापनपत्र मार्फत ६ बुँदे माग अघि सारिएको छ । साथै गत आर्थिकबर्षमा कोरोना बाट पिडित गरिब जनताहरुको लागि रु १० हजार का दरले आएको रकम र बाढी पिडित कृषकहरुको लागि आएको रकम कृषकको खातामा अहिलेसम्म न जानुको कारण समेत सोधिएको छ । कटहरिया प्राथमिक स्वास्थ केन्द्र लगायत स्वास्थ्य संस्थाहरुमा औषधीको अभाव भएको बारे ध्यानाकर्षण गराउंदै तत्काल औषधि आपूर्ति गर्न ज्ञापनपत्र मार्फत माग गरिएको छ ।

कटहरिया नगरपालिकाका निमित्त प्रमुख प्रशासकिय अधिकृत रामप्रकाश साहले उक्त मागहरू अगामी बैठकमा पेस गरिने जानकारी दिएका छन । पुर्व मेयर सियाराम कुश्वाहाले नगरबासिलाई दिंदैआएको उक्त सेवासुबिधाहरु गत बैशाख ३० गते भएको स्थानीय निर्वाचनमा कटहरियामा अजयप्रकाश जैसवाल मेयरमा जितेपछि कटौती गरेको वडा ४ का अध्यक्ष चन्दन कुश्वाहाले बताएका छन ।