वीरगंज : पर्सा प्रहरीले २ लाख ५० हजार अवैध भारु सहित बिहीबार वीरगंजबाट एक भारतीय नागरिकलाई पक्राउ गरेको छ ।

पक्राउ पर्नेमा भारत विहार वैशाली थाना लालगञ्ज पोष्ट खन्जाहा चौक बस्ने ३६ वर्षीय मिथिलेस कुमार रहेको जिल्ला प्रहरी कार्यालय पर्साले जनाएको छ ।

वीरगंज ईनर्वा, शंकराचार्य गेट स्थित नेपालबाट भारततर्फ पैदल जाँदै गरेका मिथिलेसको साथबाट भारतीय रुपैया २ लाख ५० हजार फेला परेको जिल्ला प्रहरी कार्यालय, पर्साका प्रवक्ता प्रहरी नायव उपरिक्षक अनन्तराम शर्माले जानकारी दिए ।

उनलाई थप अनुसन्धान तथा कारबाहीका लागि राजस्व अनुसन्धान कार्यालय पथलैया, बारामा पठाइएको प्रहरीले जनाएको छ ।