नेपालगञ्ज | नेपालगञ्जमा मोटरसाइकल दुर्घटना हुँदा एकजनाको मृत्यु भएको छ । सोमबार राती साढे ११ बजे नेपालगञ्जको सेतुविक चोक नजिक भे ५ प ५६७८ नम्बरको मोटरसाइकल दुर्घटना हुँदा २१ वर्षका लक्ष्मण ढुंगानाको मृत्यु भएको हो ।

बर्दियाका ढुंगाना नेपालगञ्ज–८ मा डेरा गरी बस्थे । बाँके प्रहरी प्रवक्ता डीएसपी शिवबहादुर सिंहका अनुसार, ढुंगाना सवार मोटरसाइकल डिभाइडरमा ठोक्किएको थियो । दुर्घटनामा गम्भीर घाइते भएका ढुंगानाको उपचारका लागि अस्पताल लैजाने क्रममा मृत्यु भएको थियो ।