दाङ | प्रहरीले कपिलवस्तु र दाङको सीमा क्षेत्रबाट ५ थान अत्याधुनिक हतियार एसएमजी राइफल बरामद गरेको छ । राइफलमा लाग्ने गोली र म्यागजिन समेत बरामद गरेको प्रहरीले जनाएको छ ।ती हतियार नेत्रविक्रम चन्द विप्लव समूहले भित्र्याएको हुन सक्ने प्रहरीको प्रारम्भिक दाबी छ । यसबारे थि अनुसनधान भइरहेकाे जनाइएकाे छ ।

स्राेतका अनुसार विप्लव समूहले हतियार ल्याउँदै भित्र्याइरहेकाे सूचना प्रदेश ५ को प्रहरी कार्यालय, दाङले दिएपछि जिल्ला प्रहरी कार्यालय दाङ र इलाका प्रहरी कार्यालय गढवाको संयुक्त टोली सो क्षेत्रमा परिचालित भएको थियो । सो टोलीले कपिलवस्तुको शिवनगरस्थित शिवनगर नगरपालिका– १ स्थित एक गोठबाट लुकाइराखेको अवस्थामा ती हतियार फेला पारेको हो ।