चितवन । नेपाल विद्यार्थी संघ चितवनले भारतले जारी गरेको नयाँ नक्साको विरोधमा प्रदर्शन गरेका छन् । भारतले नेपालको कालापानी, लिपुलेक, लिम्पियाधुरा लगाएतका क्षेत्रलाई आफ्नो नक्सामा समावेश गरेको विरोधमा आज (मंगलबार)नेविसंघ मैयादेवी कन्या कलेज भरतपुर र नेविसंघ, सप्तगण्डकी बहुमुखी क्याम्पसले प्रदर्शन गरेको हो ।

प्रदर्शनमा उनीहरुले ‘भारतिय हस्तक्षेप वन्द गर’, ‘लिपुलेक हाम्रो हो’, ‘सिमा मिच्न पाइँदैन’, ‘गो व्याक इण्डिया’, ‘हाम्रो देश हाम्रो माटो प्राण भन्दा प्यारो छ’ जस्ता नारा लगाएका थिए । प्रदर्शनकै क्रममा नेविसंघल चितवनले नेपाली भूमि समावेश गर्दै भारतले सार्वजनिक गरेको नयाँ नक्सा जलाएका थिए ।