वीरगंज । अफगानिस्तानमा आएको शक्तिशाली भूकम्पमा परेर मर्नेको संख्या एक हजार पुगेको छ । अन्य सयौँ घाइते भएको तालिबान सरकारले जनाएको छ ।

भूकम्पका कारण पूर्वी पाक्तीका प्रान्तमा पहिरो आइरहेको छ । भूकम्पले माटोका घरहरू ध्वस्त भएका छन् । उद्धारकर्ताहरूले घाइतेहरूलाई आपतकालीन उपचार गरिरहेका तस्बिरहरू बाहिरिएका छन् ।

मृतकको संख्या अझै बढ्ने बताइएको छ । ६ दशमलव १ रिक्टर स्केलको यस भूकम्पको धक्का पाकिस्तान र भारतमा समेत महसुस गरिएको थियो । दुई दशकपछि अफगानिस्तानमा आएको यो सबैभन्दा भयावह भूकम्प हो । दक्षिणपूर्वी खोस्ट सहरदेखि करिब ४४ किलोमिटर टाढा यसको केन्द्रविन्दु रहेको थियो ।