पर्सा | आज पर्सा जिल्लाको बिन्दवासनि- 3 गर्दौलमा शेक्षिक जागरण अभियान तथा सम्मान कार्यक्रम सम्पन्न भएको छ। गर्दौल अवस्थित श्री नेपाल राष्ट्रिय माध्यमिक विद्यालय को प्रांगणमा गर्दौल आदर्श सम्माज गर्दौलले” असल सोच असल कर्म” नाराको साथ कार्यक्रमको आयोजना गरेको थियो । यस कार्यक्रममा गर्दौलका विभिन्न निकायका व्यक्तित्वहरु को उपस्थिति रहेको थियो ।

सोही विद्यालयका विद्यार्थीहरुलाई सम्मान गर्नु को साथै विभिन्न ठाउँमा अध्ययन गरिरहेको विद्यार्थीहरुलाई पनि सम्मान गरिएको थियो । त्यस्तै लोकसेवा आयोगमा नाम निकालेका सोही गाउँका विद्यार्थीहरुलाई पनि सम्मान गरिएको थियो।

टिका लगाइ दौसाला ओढाएर सम्मान गरिएको थियो। कार्यक्रममा उपस्थित विभिन्न राजनीतिक दलहरुको साथै शिक्षकहरुले शिक्षाप्रति आफ्नो बिचार व्यक्त गरेका थिए ।

सो कार्यक्रममा विभिन्न स्थानीय कलाकारहरुले पनि आफ्नो संगीतले झुमाएका थिए ।

सोही कार्यक्रममा उपस्थिति नेपाल भोजपुरी समाजमा आवद्ध रहेका र स्थानीय कलाकार अज्मत अलि अन्सारीले आफ्नो लोकप्रिय संगीतले महललाई सांगीतिक बनाउनुभएको थियो।

स्थानीय कलाकार अज्मत अलि अन्सारीले आफ्नो लोकप्रिय संगीत ” हाम्रा त निकलागे साइकिल सावरि” त्यस्तै “सहर से अछा देहात लागे” नामक लोकप्रिय भोजपुरी संगीत प्रस्तुत गरेका थिए । कार्यक्रममा विभिन्न मिडिया क्षेत्रबाट मिडियाकर्मीहरु को उपस्थिति रहेको थियो ।