वीरगंज | नेकपा (एमाले)को १० औँ महाधिवेशन अहिले चितवनको सौरहामा जारी छ। महाधिवेशन अन्तर्गत केही पदमा चुनाव हुँदैछ भने केही पदमा निर्विरोध निर्वाचित भएका छन्।
प्रदेश २ बाट एमालेको केन्द्रीय सदस्यमा अरविन्द सिंह, उपेन्द्र साह, प्रभु साह, राजकुमार लेखी, लीलानाथ श्रेष्ठ र सुमन प्याकुरेल निर्विरोध निर्वाचित भएका छन्। तराई मधेस आरक्षितबाट केन्द्रीय सदस्यमा राजकुमार गुप्ता र प्रभु हजरा तथा महिलातर्फ निर्मला देवकोटा पनि निर्वाचित भएका छन्।
पर्साबाट चारजना केन्द्रीय सदस्य निर्विरोध निर्वाचित भएका छन्। त्यसैगरी, प्रदेश २ को महिलातर्फ कल्पना कटुवाल, रञ्जना सरकार र रेखाकुमारी तथा मधेसी महिलामा कमलादेवी महतो, जुलीकुमारी महतो, ज्वालाकुमारी साह, रीतादेवी साह, शीला यादव, सरिता गिरी यादव निर्विरोध निर्वाचित भएका छन्।
मुस्लिम महिलामा साजिदा खातुन सिद्धिकी र दलित महिलामा विष्णुमाया विक, रामरतीदेवी राम, शिवकुमारी गोतामे र सविता रसाइली पनि निर्विरोध निर्वाचित भएका छन्। बाराबाट २ जना केन्द्रीय सदस्यहरु निर्विरोध चयन भएका छन्। जसमा महिला नेतृहरु ज्वालाकुमारी साह र मञ्जुकमारी थापा मगर रहेका छन्। पहिलोपोस्ट माँ परकाशित भएको छ |