नेपालगञ्ज– कोहलपुर प्रहरीले लागुऔषध ब्राउनसुगरसहित चार जनालाई पक्राउ गरेकाे छ।
प्रहरीले कोहलपुर–११ बसपार्कस्थित सुर्खेति गेष्ट हाउसबाट सुर्खेत विरेन्द्रनगर नगरपालिका–९ लाटीकोइलाका कृष्ण बुढा र रविन चौधरीलाई १६ ग्राम ५ सय २० मिलिग्राम ब्राउनसुगरसहित पक्राउ गरेकाे हाे।
यस्तै प्रहरीले भारत नानपाराका कसिम शेषलाई १० ग्राम ब्राउनसुगरसहित कोहलपुरबाट र नेपालगञ्ज–१३ का सञ्जय लोनियालाई नेपालगञ्ज–२० राँझाबाट १७ ग्राम ८ सय ६० मिलिग्राम ब्राउनसुगरसहित नियन्त्रणमा लिएको छ।
सुर्खेतका बुढा र चौधरीले शेष र लोनियाबाट ब्राउनसुगर किनेर सुर्खेतमा लगि बिक्री वितरण गर्ने गरेकाे इलाका प्रहरी कार्यालय कोहलपुरका इन्चार्ज हेम शाहीले बताए।
ब्राउनसुगरसहित पक्राउ परेका चारै जनालाई कोहलपुर प्रहरीले कारबाही प्रक्रिया अघि बढाएको जनाएकाे छ।
