वीरगन्ज । खेलकुदका ईभेण्टसहरुमा ट्रायथलन कठिन मानिन्छ। यसमा सहभागी हुन खेलाडी दौड,स्विमिङ तथा साईक्लिङ जस्ता विभिन्न खेलको अनुभवी हुनु पर्दछ। एकजना नेपाली महिला खेलाडीले एउटा अन्तराष्ट्रिय प्रतियोगितामा लगातार १५ घण्टासम्म सहभागी भएर नेपाललाई चिनाएकि छिन्।

नेपाली धाविका निर्जला ताम्राकारले बेलायतमा आयोजित युके अल्टिमेट ट्रायथलन पुरा गरेकि छिन। उनि पुरा दुरीको ट्रायथलन दौड पुरा गर्ने पहिलो नेपाली महिला खेलाडी बन्न सफल भएकि छिन्। २ सय २६ किलोमिटर दुरीको सो दौड पुरा गर्न उनलाई १५ टण्टा १० मिनेट समय लागेको थियो। उनले ट्रायथलन पुरा गर्न ४२ दशमलव २ किलोमिटर दौड, ३ दशमलब ८ किलोमिटर स्विमिङ तथा १ सय ८० किलो मिटर साईक्लिङ गरेकि थिईन।