वीरगञ्ज । नेपाल पत्रकार महासंघ प्रदेश २ को दोस्रो सधारण सभाको उद्घाटनसत्र सम्पन्न भएको छ । प्रदेश २ का अध्यक्ष दिपेन्द्र चौहानको अध्यक्षतामा वीरगंज स्थित टाउन हलमा उद्घाटनसत्र सम्पन्न भएको हो ।नेपाल पत्रकार माहासंघ प्रदेश न. २ को दोश्रो साधारण सभामा प्रादेशिक पुरुस्कारबाट महासंघका पुर्ब केन्द्रीय अध्यक्ष धर्मेन्द्र झा, पर्साका पुर्ब अध्यक्ष शत्रुधन नेपाल पुरस्कृत हुनु भएको छ ।

यही मंगलबार प्रदेश अध्यक्ष दीपेन्द्र चौहानको संयोजकत्वमा नेपाल फोटो पत्रकार महासंघ प्रदेश अध्यक्ष पंकज श्रेष्ठ र इकोनोमिक जर्नालिष्ट एशोसिएशनका अध्यक्ष विजय कुशवाहा रहेको पुरस्कार छनोट समितिले पत्रकार नेपाललाई पुरस्कार दिने निर्णय गरेको थिए ।गत वर्षको यो पुरस्कार यसअघि नै नेपाल पत्रकार महासंघका पुर्व केन्द्रिय अध्यक्ष धर्मेन्द्र झालाई दिने निर्णय गरिएको थियो । दुवै पुरस्कार आज वीरगञ्ज नगरसभागृहमा भएको नेपाल पत्रकार माहासंघ प्रदेश न. २ को दोश्रो साधारण सभामा दिएको सचिव गौतमले बताए ।

यसैगरी कार्यक्रममा वीरगञ्जमा महानगरपालिकाका मेयर बिजय सरावगी लगायत प्रदेश २ का पदधिकारीहरुलाई पनि सम्मानिति गरिएको थियो । कार्यक्रममा केन्द्रिय महासचिव रमेश बिष्ट,सचिव रामप्रसाद दाहाल, केन्द्रिय कोषाध्यक्ष राजेश मिश्र,पत्रकार लालबाबु शेख, अजयबाबु शिवाकोटी, नेकपा पर्सा अध्यक्ष प्रभु हजरा, नेपाली काँग्रेसका सभापति अजय द्विवेदि,जसपाका अध्यक्ष रामनरेश यादव, उपमेयर शान्ति कार्की लगायतकाले धारणा राख्नुभएके थियो । कार्यक्रममा उपाध्यक्ष केसी लामिछानेले स्वागत मन्तव्य व्यक्त गरेका थिए भने सहजीकरण महासचिव किरण कुमार कर्णले गरेका थिए ।