बिरगंज । उच्च रक्तचाप मान्छेका लागि निकै घातक हुन सक्छ। जसले मान्छेको ज्यान नै लिन सक्छ। खानपानमा बढी मात्रामा सोडियमको सेवन हुँदा उच्च रक्त चापको समस्या हुन्छ। जसले हाइपरटेन्सनको समस्या हुन पुग्छ।
हाइपरटेन्सनका कारण मान्छेलाई हर्टअट्याक आउन सक्छ। यस्तै यसका कारण मिर्गौला नै फेल हुने समस्या पनि हुन्छ। यदि हामीले आफ्नो जीवनशैली सुधार्यौ र डाइटमा पोटासियम, क्याल्सियम र म्याग्निसियमको मात्रालाई राम्रोसँग लियौ भने प्रेसरलाई नियन्त्रण गर्न सक्छौं। त्यसैले हामीले प्रेसर नियन्त्रणका लागि डाइटमा के लिने भन्ने कुरामा ध्यान दिनुपर्छ।
ब्लड प्रेसर नियन्त्रण गर्न हामीले डाइटमा हरियो साग सामेल गर्नुपर्छ। पालङ्ग र पत्तेदार साग खानुपर्छ। फलमा केरा, तरभुज र जामुनलगायत खानेकुरा खानुपर्छ। ब्लडप्रेसरलाई नियन्त्रण गर्न डाइटमा माछालाई पनि सामेल गर्न सकिन्छ। किनकी यसमा ओमेगा– ३ फ्याटी एसिड हुन्छ। जुन स्वास्थ्यका लागि निकै लाभदायक हुन्छ।
मान्छेले बाहिरी खानेकुराबाट बच्नुपर्छ। यस्तै प्याकेटमा बन्द गरिएका खानेकुरा खानु हुँदैन। डाइटमा ताजा सागपात र फलपूल सामेल गर्नुपर्छ। यदि ब्लडप्रेसरलाई नियन्त्रण गर्न चाहनुहुन्छ भने डाइटमा नुन, चिनी र रातो मासु खानु हुँदैन। र, चिल्लो भएका खानेकुरा पनि खानु हुँदैन।
उच्च रक्तचाप एक त्यस्तो बिमारी हो जो जुनसुकै उमेर समूहका मान्छेलाई पनि हुन सक्छ। हाई ब्लडप्रेसरका कारण कोरोनरी हर्ट डिजिज, हर्ट फेल्योर, स्ट्रोक र मिर्गौंला फेल्यर जस्ता ज्यान लिने बिरामी हुन सक्छन्। हाई ब्लडप्रेसरले रक्तवाहिनीमा दबाव पैदा हुन सक्छ र यसले वालमा क्षति पु-याउन सक्छ। अथवा, वाल नै ब्लक हुन सक्ने जोखिम हुन्छ।
८० देखि १२० को बिचमा ब्लडप्रेसर हुनु भनेको स्वास्थ्यका लागि राम्रो मानिन्छ। यो भन्दा बढी ब्लडप्रेसर हुँदा व्यक्ति हाइपरटेन्सनको शिकार हुन पुग्छ। हाइपरटेन्सन हाम्रो कोरोनरी हार्टरीमा क्षेती पु-याउँछ। यसले गर्दा हाम्रो दिमागदेखि मिर्गौंलासम्ममा क्षेति पुग्न सक्छ।
जब ब्लडप्रेसर उच्च हुन्छ तब ब्लड धमनि (आर्टरी) को साइडका नलिलाई जोरसँग हिट गर्छ। यस कारण धमनिको अन्य भागमा क्षेति पुग्छ। धमनिमा यस्तो क्षेति लामो समयसम्म भयो भने हर्टको मांशपेसी कमजोर बन्न पुग्छ। यसले हर्ट फेल हुने सम्भावना बढ्छ।
