काठमाडौं । सूरुआती अग्रता जोगाउन नसक्दा युभेन्टस युइएफ च्याम्पियन्स लिग फुटबलमा एट्लेटिको मड्रिडसँग बराबरीमा रोकिएको छ । समूह डि अन्तर्गत सम्पन्न खेलमा युभेन्टसले स्पेनिस क्लब एट्लेटिको मड्रिडसँग बराबरी खेलेको हो । घरेलु मैदानमा निकै प्रतिस्पर्धात्मक भएको खेलमा एट्लेटिको युभेन्टसको अग्रता उल्टाउँदै पुनरागमन गर्न सफल भएको हो ।
पहिलो हाफ गोलरहित बराबरी भएको दोस्रो हाफमा दुबै टोलीले २–२ गोल गरे । ४८ औं मिनेटमा युभेन्टसका जुआनले टोलीलाई दिलाएको अग्रता ६५ औं ब्लेइस म्याथुडिले दोब्बर बनाएका थिए । लगातारको गोलबाट दबाबमा परेको एट्लेटिकोले ७० औं मिनेटमा गोल गर्दै अग्रता घटाएको थियो । एट्लेटिको लागि स्टेभन साभिकले गोल गरे ।
खेल सकिन केही सेकेण्ड बाँकी रहँदा हेटर हेरेराले गोल गर्दै एट्लेटिकोलाई हारबाट जोगाए । हेरेराको गोलसँगै स्पेनिस क्लब एट्लेटिको मड्रिडले युभेन्टसलाई बराबरीमा रोकेको हो ।
वीरगंज संजाल
