पाकिस्तानले आफ्नो देशमा टिन्डर र ग्रीन्डरसहित ५ वटा डेटिङ एप बन्द गरेको छ ।सीएनएनले उल्लेख गरे अनुसार पाकिस्तानमा मंगलबारदेखि टिन्डर, ट्याग्ड, स्कोउट, ग्रीन्डर र सेहाई जस्ता डेटिङ एप प्रयोगमा प्रतिबन्ध लगाएको हो ।

पाकिस्तान दूरसञ्चार प्राधिकरणले डेटिङ एप बन्द गर्न सल्लाह दिने कम्पनीहरूलाई त्यस्ता एपमा प्रतिबन्ध लगाइएको सूचना दिइसकेको छ । तर, बन्द गरिएका डेटिङ एपहरूले देशको कानुनको पालना गर्न तयार भएमा प्रतिबन्धमाथि पुनः विचार गरिने छ ।

पाकिस्तानमा प्रतिबन्ध लगाइएको टिन्डर र ग्रीन्डरजस्ता डेटिङ एप अमेरिका र पश्चिमा देशहरूमा लोकप्रिय छन् ।

पछिल्लो १२ महिनाको अवधिमा पाकिस्तानमा ४ लाख ४० हजार जनाले टिन्डर डाउनलोड गरेका छन् । १२ महिनाको अवधिमा ग्रीन्डर एप ३ लाख जनाले डाउनलोड गरेका थिए । एजेन्सी