वीरगंज ।अखिल नेपाल पिछडावर्ग (ओबिसी) महासंघ पर्साको बिस्तारित बैठक आज सम्पन्न भएको छ ।

महासंघ पर्साका अध्यक्ष अकलेश साहको अध्यक्षतामा बसेको बैठकले रिक्त रहेको पदमा बिभिन्न व्यक्तित्वहरुलाई नियुक्त गरेको छ ।

महासंघको कार्यालयमा बिहान बसेको बैठकले उपाध्यक्षमा बिकास कुमार पटेल, सह–सचिवमा राजन साह, सदस्यहरुमा सन्दिप महतो,सावन गुप्ता, दिपेन्द्र साह, आकाश गुप्ता लगायतलाई चयन गरेको अध्यक्ष साहले पर्सा पोस्टलाई जानकारी दिनु भएको थियो ।

बैठकले पर्साको १४ स्थानिय तहमा संगठन बिस्तार गर्ने, लकडाउनका कारण पिडित बनेका परिवारलाई सहयोग गर्ने,रक्तदान लगायत बिभिन्न समाजिक कार्य गर्ने तथा नारायणी अस्पतालमा बन्द रहेको सेवाहरु सुचारु गर्न दबाब दिने जस्ता निर्णय गरेको समेत साहले बताए ।

बैठकमा उपाध्यक्ष धर्मेन्द्र पटेल,बिकश कुमार पटेल,सचिव नवलकिसोर साह, सह सचिव राजन साह, कोषाध्यक्ष राकेश साह,सदस्यहरु संदिप महतो,सावन गुप्ता , रुपेश रौनियार राज रौनियार,सावन गुप्ता, दिपक साह लगायतको उपस्थिती रहेको प्रवक्ता राजकुमार साहले जानकारी दिनुभयो ।