चितवन । नारायणी पुलबाट एक युवक हाम्फालेर नारायणी नदीमा बेपत्ता भएका छन् ।

बुधबार दिउसो स्कुटी चढेर आएका भरतपुर नगरपालिका ११ निवासी २५ वर्षीय उदार पौड्याल नारायणी पुलबाट हाम्फालेर बेपत्ता भएको जिल्ला प्रहरी कार्यालय चितवनले जानकारी दिएको छ ।

प्रतक्ष्यदर्शीका अनुसार, उदारसँगै आएकी युवती भने पुल किनारमा डाको छोडेर रुँदै थिइन् ।

यस घटनाको बारेमा र उक्त युवा–युवतीबीचको नाता सम्बन्धबारे प्रहरीले अनुसन्धान सुरु गरेको छ ।

बेपत्ता युवाको खोजी कार्य भइरहेको चितवन प्रमुख एसपी दानबहादुर मल्ले बताए ।