वीरगंज संजालअमेरिकाका पूर्व राष्ट्रपति बाराक ओबामा वर्तमान राष्ट्रपति डोनाल्ड ट्रम्पविरुद्ध अति आक्रमक रुपमा प्रस्तुत हुने भएका छन् ।
अमेरिकी सञ्चारमाध्यमका अनुसार पूर्व राष्ट्रपति ओबामाले डेमोक्र्याटिक पार्टीको राष्ट्रिय सम्मेलनलाई सम्बोधन गर्ने क्रममा ट्रम्पमाथि निशाना बनाउने छन् ।
आबोमाले अति आक्रमक रुपमा गर्ने सम्बोधनमा राष्ट्रपति ट्रम्पले राष्ट्रपति पदलाई र त्यसको जिम्मेवारीलाई ‘एक अर्को रियालिटी शो’ का रुपमा लिएको आरोप लगाउने छन् ।
पूर्व राष्ट्रपति ओबामाले आफ्ना उत्तराधिकारी रिपब्लिकन राष्ट्रपति ट्रम्प ‘ह्वाइट हाउसको जिम्मेवारी सम्हाल्ने गरी परिपक्कन भएको र त्यसको कारण ट्रम्प परिपक्क हुन नसक्नु नै रहेको’ बताउने शीर्ष डेमोक्र्याटलाई उद्धृत गर्दै सिएनएनले जनाएको छ ।
ओबामाले आफूमाथि गर्ने टिप्पणी थाहा पाएका ट्रम्पले ह्वाइट हाउसबाट जवाफ पनि फर्काएका छन् । अमेरिकीहरुमा ओबामाले ‘सन्त्रास’ का कारण आफू निर्वाचित भएको ट्रम्पले बताएका छन् ।
डेमोक्र्याटिक पार्टीको राष्ट्रिय सम्मेलनको तेस्रो रात कमला ह्यारिसले उपराष्ट्रपति उम्मेदवारको टिकट औपचारिक रुपमा स्वीकार गर्ने छिन् । जो बाइडेनले ह्यारिसलाई आफ्नो रनिङ्गमेटका रुपमा चयन गरेका हुन् ।
बाइडेन–ह्यारिसले आउँदो नोभेम्बर ३ मा हुने चुनावमा राष्ट्रपति ट्रम्प र उपराष्ट्रपति माइक पेन्सको सामना गर्ने छ्न ।
ओबामाले स्थानीय समय अनुसार बुधबार राति (नेपाली समय अनुसार बिहीबार बिहान) फिलाडेलफियामा रहेको म्युजियम अफ अमेरिकन रिभोलुशनबाट सम्बोधन गर्दै छन् । सम्बोधनको क्रममा ओबामाले ट्रम्पमाथि अहिलेसम्मकै सबैभन्दा ठूलो आक्रमण गर्ने जनाइएको छ ।
उनको सम्बोधन अघि जारी गरिएको सम्बोधनको अंश अनुसार ओबामाले भन्ने छन्, ‘डोनाल्ड ट्रम्पले काममा कुनै चासो देखाएका छैनन् । उनमा साझा स्वार्थ वा साझा भूमि फेला पार्ने प्रयास देखिँदैन ।’
ओबामाले भन्ने छन्, ‘ह्वाइट हाउसको शक्तिशाली शक्ति उनले आफू र आफ्ना साथीलाई सहयोग गर्न बाहेक अरु कसैको सहयोगमा प्रयोग गरेका छैनन् ।’
ओबामाले भन्ने छन्, ‘ट्रम्पमा राष्ट्रपतीय जिम्मेवारीलाई एउटा अर्को रियालिटी शो भन्दा फरक रुपमा व्यवहार गर्ने कुनै चासो देखिँदैन ।’
ट्रम्पका कारण अमेरिकाको प्रजातान्त्रिक संस्थामाथि इतिहासमै सबैभन्दा ठूलो चुनौति आइपरेको ओबामाले बताउने छन् ।
ट्रम्पमाथि आक्रमक रुपमा प्रस्तुत भएपछि ओबामाले जो बाइडेनका बारेमा बोल्ने छन् र उनलाई आउँदो चुनावमा मतदानका लागि अपिल गर्ने छन् ।
अमेरिकी इतिहासमा पूर्व राष्ट्रपतिहरु आफ्ना उत्तराधिकारीका सम्बन्धमा प्रायः चुप रहन्छन् । ओबामा पनि लामो समय चुप रहेका थिए ।
