मलेसियामा अवैध बसिरहेका ७ नेपाली श्रमिक स्वदेश फिर्ता
वीरगंज संजाल
२७ भाद्र २०७६, शुक्रबार १९:०२
३०२७
काठमाडौं– मलेसिया अवैध रुपमा बसेका ७ जना नेपाली स्वदेश फर्किएका छन् । मलेसियास्थित नेपाली दूतावासले उनीहरुलाई नेपाल फर्कन सहयोग गरेको हो ।
दूतावासले उनीहरुलाई स्वदेश फर्कन कागजात बनाएर हवाई टिकट काटेर पठाएको जानकारी दिएको छ । मलेसिया सरकार अवैध रुपमा बसेर रोजगारी गरी रहेको विदेशी कामदार स्वदेश फर्कन व्याक फर गुड मौका दिएको छ ।
मलेसिया सरकारले अवैध रुपमा बसेका विदेशी कामदारलाई ७ सय रिंगिट जरिवाना तिरेर स्वदेश फर्किने अवसर दिएको छ । व्याक फर गुड आममाफी कार्यक्रममा नेपालीहरु उल्लेख्य संख्यामा सहभागि हुन थालेका छन् ।
यसका लागि दूतावासले फर्म भरिदिने, अध्यागमन कार्यालय लैजाने तथा ल्याउने लगायतको व्यवस्था गरेको छ । व्याक फर गुड आगामी महिनासम्म छ । व्याक फर गुडमा सहभागि भएर करिब ५ सय नेपाली स्वदेश पर्किएको दूतावासले जानकारी दिएको छ ।