काठमाडौं | गायक सरोज ओलीको नयाँ म्युजिक भिडियो सार्वजनिक भएको छ । गायक ओली र गायिका मेलिना राईको सुमधुर स्वरमा ‘ए है माया’ बोलको गीत बिहिबार युट्युबमा सार्वजनिक भएको हो । यस गीतमा दिपक शर्माको संगीत रहेको छ । गीतको भिडियोमा अभिनेता तथा मोडल पल शाह, रियाशा दाहाल, सागर लम्साल क्षेत्री (बले) र टिकटकर्स सुधिर श्रेष्ठको अभिनय रहेको छ ।

सरोज ओलीकै निर्देशनमा बनेको यस भिडियामा नवराज उप्रेतीको छायाँकन रहेको छ । यस गीतको भिडियालाई लकडाउनमा सामाजिक दुरी कायम गर्दै तयार पारिएको हो । भिडियोमा पल डाक्टर, रियाशा बिरामी, सागर सुरक्षाकर्मी र सुधिरलाई अस्पतालको सफाइ कर्मचारीको रुपमा देखिएका छन् ।