सरकारले तोकेको राजस्व रकम भन्दा बढी रकम नलिई कर्मचारीहरुले कामै नगर्ने गरेको गरेको स्रोतको दाबी छ । जग्गा पास गर्नको लागि २ सय देखि १ हजार रुपैया सम्म,मोठ फाँटमा पुर्जा बनाउँन १०० रुपैया तथा कम्पुटरबाट पुर्जा झिक्न १०० रुपैया लिने प्रचलन नै मालपोत कार्यालयमा कायम गरिएको छ ।

सरकारले तोकेको राजस्व रकम अनिर्वाय बुझाए पछि घुसको रमक कर्मचारीहरुले खुल्लेयाम रुपमा माग्ने गरेका छन् । घुस नदिने सेवाग्राहीको कागाजत मिलेको भन्दै कर्मचारीहरुले सेवाग्राहीलाई फर्काउने गरेका छन् । मातपोत कार्यालय कलैंयाका अधिकृत कामोद पंडित घुस लिनेमा सबै भन्दा अगाडी देखिएका छन् ।

पछिल्लो समयमा उनी सेवाग्राहीसँग खुल्लेयाम घुस लिने गरेका छन् । भिडभाड नहुदाको अवस्थामा उनी काम गर्दैनन् भने भिड जम्मा भए खुल्लेयाम घुस माग्छन् । सेवाग्राहीहरुलाई अनावश्यक रुपमा चर्को घाँममा लाईन वस्न बाध्य बनाएर झ्यालबाटै सवैको सामु घुसको रकम उनी बुझने गरेका छन् ।

मालपोत कार्यालय तथा सेवाग्राहीहरु विच समन्वयकारी भुमिका खेल्दै आएका लेखापढी व्यवसायीहरुलाई एकरती नगन्ने कामोद पंडित सबै भन्दाबढी घुस लिने कर्मचारीको रुममा मालपोत कार्यालय कलैंया बारामा परिचित रहेका छन् ।
लेखापढी व्यवसायीहरुले पटक पटक आफ्नो आचरण सुधार्न आग्रह गरे पनि उनी व्यवसायीहरुलाई गालीगलौज गर्ने गरेका एक जना लेखापढी व्यवसायीले बताए ।

पैसा नदिए पनि काम समेत नगर्ने बानी उनको रहेको लेखापढी व्यवसायीहरुको भनाई रहेको छ । कामोद पंडितको रहकतबाट व्यवसायीहरु इति आर्जित भइसकेका छन् कि उनको बिषयमा लेखापढी व्यवसायी संघको वैठकमा प्रस्ताव नै राखेर छलफल भएको छ । लेखापढी व्यवसायीहरुले उनले आफ्नो आचरण नसुधारे बाध्य भएर आन्दोलन गर्नु पर्ने जनाएको छ ।

कामोदले खुल्लेयाम घुस लिइरहेको भिडियोको नै लेखापढी व्यवसायीको मिटिङ्गमा एक जना व्यवसायीले सार्वजनिक गरे पछि उनको काला कर्तुतको पर्दाफास भएको छ । भिडियोमा हरेक फाइलसँगै पंडितले घुस लिएको देखाइएको छ । भिडियोको एक कपि नेपाल पोष्ट डेलीको कार्यालयमा पनि सुरक्षित रहेको छ । त्यसै गरी घुस खाने लहरमा रामविश्वास साह पनि धेरै माथी रहेको स्रोतको दाबी छ ।

रजिष्ट्रिशन फाँटमा काम गर्दै आएका उनी राजस्व तिर्न गएका सेवाग्रहीहरुसँग आनाधकृत रुपमा रकम असुली गर्न माहिर मानिन्छ । उनले सोमवार सेवाग्राहीसँग काम गराउँन गएका एक जना लेखापढी व्यवसायीलाई घुस नदिए काम नगर्ने भन्दै बिवाद समेत गरेका थिए ।

साहले बिवादको क्रममा लेखापढी व्यवसायी माथी चप्पल नै निकालेर हान्ने प्रयास गरेको लेखापढी व्यवसयाी संघ वाराका अध्यक्ष जितनारायण पटेलले वताउनु भयो । उनको यो कामले लेखापढी व्यवसायीहरु आन्दोलित भएको छ । लेखापढी व्यवसायी संघ वाराले घटनाको छानविन हुनु पर्ने तथा सिसिटिभि हेर्नु पर्ने माग गरेको छ ।

घुस सेवाग्राहीहरु दिन नचाहेको भए पनि कार्यालयका कर्मचारीहरुले बाध्य पार्ने गरेको अध्यक्ष पटेलको भनाई रहेको छ । उनले घुस खाने कर्मचारीहरु माथी कारवाही हुनु पर्ने वताए । त्यसमा संघको सहयोगको आवश्यकता पर्छ भने लेखापढी व्यवसायी हरेक सहयोग गर्न तयार रहेको उनले बताए ।

मालपोत कार्यालय नजिकै रहेको नापी शाखामा पनि पछिल्लो समय खुल्लेयाम घुखोरी भइरहेको छ ।
नापी शाखाका विशेश्वर गोस्वामी,अचर्ना खड्का तथा सोभा गोस्वामी घुस लिनेमा अग्र स्थानमा रहेको सेवाग्राहीहरुको भनाई रहेको छ ।

यसरी अबैध रुपमा कमाई भएको रकमलाई कार्यालयका हाकिम सम्मले पनि वाडिचुडी खाने गरेको कारण कार्यालयमा मातहतका कर्मचारीहरुले खुल्लम खुल्ला घुस खादा समेत केहि एक्शन नलिइने गरिएको स्रोतको दाबी रहेको छ ।