यदुनाथ पौडेल, प्रमुख जिल्ला अधिकारी, दार्चुलालकडाउनको पालना गराउन हामी प्रतिबद्ध छौं । त्यसैले दार्चुलाको पारि धार्चुला (भारत) मा रहेका नेपालीलाई प्रवेश गर्न नदिने निर्णय हामीले गरेका छौं ।भनेपछि ३ दिनदेखि खुला आकाशमा भोकभोकै रहेका नेपालीले घर फर्कन नपाउने भए ?हो । अब तिनीहरू त्यहीँ बस्छन् । हामीले यसको चाँजोपाँजो मिलाएका छौं ।कसरी मिलाउनु भएको छ, चाँजोपाँजो, बताइदिनुहोस् न ?भारततर्फ विद्यालय र सार्वजनिक भवन खाली रहेका छन् । भारतीय पक्षसँग छलफल गरेर धार्चुलामा रहेका नेपालीलाई ४ स्थानमा व्यवस्थापन गर्ने सहमति बनेको छ । सहमतिअनुसार, खाने तथा बस्ने व्यवस्था भइसकेको जानकारी हामीले पाएका छौं । स्रोत साधनको अभाव भएमा भारतलाई हामीले पनि सघाउँछौं । यो कार्यमा दुवैतर्फका उद्योग वाणिज्य संघ, एसपी, एसएसबी, कोर्टवली र जिल्ला प्रशासन कार्यालयका समकक्षीले साथ दिनु भएको छ ।धेरै संख्या नेपाली हुँदा तिनको स्वास्थ्यबारे पनि चिन्ता व्यक्त भइरहेको छ । स्वास्थ्य परीक्षणको प्रवन्ध पनि मिलाइएको छ कि ?आफ्ना देशका नागरिकको स्वास्थ्यप्रति हामी गम्भीर छौं ।
