वीरगञ्ज |सन्नी चौरसिया |  लकडाउनको पुर्ण पालना गर्दै बजारमा आउन

नसकेको अनुगमन टोली ढिलै भएपनि आज सक्रिय रहयो । सक्रिय पनि यस

हदसम्म रह्यो कि पहिलो दिनमै २० हजारको जरिवाना ठोकिएको खबर छ ।

वीरगञ्जस्थित सुरेश मेदिकल हल औषधी पसलमा ३५ रुपैयामा विक्रि गरिनुपर्ने

गलोब्स ५० रुपैयामा विक्रि गरिएको पाइएपछि रु. २० हजार जरिवाना गरिएको

उपभोक्ता हित  संरक्षण कार्यालय पर्साका सुचना अधिकारी दिलिप खड्गीले बताए ।

जिल्ला प्रहरी कार्यालय पर्सा र वाणिन्य आपुर्ती तथा उपभोक्ता हित संरक्षण

कार्यालय वीरगञ्जको संयुक्त टोलीले आज बजार अनुगमन गरेको थियो ।

गोदाममा प्याज भण्डारण गरि बढी मुल्यमा विक्रि वितरण भईरहेको सुचनाका

आधारमा अनुगमन गरिएको थियो । अनुगमन पनि यस्तो समय गरियो कि आलु

तथा प्याज विक्रि गर्ने सबै पसल बन्द थिए ।

उपभोक्ताहरु व्यापक ठगिने तरकारी बजरमा अनुगमन टोलीको ध्यान अझै पुगेको

छैन । ग्याँसका लागि पहल शुन्य छ ।