वीरगन्ज,२८बैशाखःवीरगन्जमा एक महिलालाई जबरजस्ति करणी (बलात्कार) गरेको आरोपमा एक पुरुषलाई प्रहरीले पक्राउ गरेको छ । पक्राउ पर्नेमा बाराको प्रसौनी गाँउपालिका वडा नम्बर ६ बेलहिया स्थायी घर भई हाल पर्साको वीरगन्ज महानगरपालिका वडा नम्बर १३ श्रीपुरमा बस्ने ५० वर्षीय दिनानाथ साह रहेका छन् ।

प्रहरीका अनुसार, श्रीपुरकै ४० वर्षीया एक विवाहिता महिलालाई शनिबार मध्यरातमा साह र उनिसंगै रहेका अर्का एक पुरुषले मिलेर बलात्कार गरेका थिए । मध्यरातामा एक्लै भएको मौका छोपेर ती दुवै पुरुषले डरधम्की देखाएर आफ्नो मुख थुनेर बलात्कार गरेको पिडित महिलाले प्रहरीलार्ई बताएको पर्साका प्रहरी उपरीक्षक गौतम मिश्रले जानकारी दिए ।

आइतबार बिहान पिडित महिलाले प्रहरी कार्यालयमा पुगेर घटनाबारे जानकारी दिएलगत्तै जिल्ला प्रहरी कार्यालयबाट खटिएको प्रहरी टोलीले आरोपितमध्येका साहलाई पक्राउ गरेको मिश्रले बताए । घटनामा संलग्न भनिएका अर्का आरोपित पुरुषको पहिचान खुलिसकेको र उनि फरार रहेकाले उनको खोजी भइरहेको मिश्रले जानकारी दिए ।
पक्राउ परेका साहलाई जिल्ला प्रहरी कार्यालयको हिरासतमा राखेर उनिविवरुद्ध करणी सम्बन्धि कसूरमा मुद्धा दर्ता गरेर पर्सा जिल्ला अदालतबाट ५ दिनको म्याद थप लिई थप अनुसन्धान भइरहेको प्रहरी उपरीक्षक मिश्रले बताए ।