बैतडी | बैतडीको सुर्नया गाउँपालिका २ सिन्केलेकमा ट्याक्टर दुर्घटना हुँदा चालकको मृत्यु भएको छ । धनगढी उपमहानगरपालिका ६ मनहेरा घर भएका २६ वर्षीय चालक दीलकुमार चौधरीको मृत्यु भएको हो ।

महाकाली राजमार्ग अन्तर्गत सतबाँझ –गोकुलेश्वर सडकखण्डको सिन्केलेकमा शुक्रबार राती से २ त ९०१ नम्बरको ट्याक्टर दुर्घटनामा परेको जिल्ला प्रहरी कार्यालयका प्रहरी प्रवक्ता प्रहरी निरीक्षक किसन चन्दले जानकारी दिए  ।

ट्याक्टर सडकबाट २५ मिटर जति तल खसेको बताइएको छ । सतबाँझबाट खोचलेकतर्फ गइरहेको ट्याक्टर दुर्घटनामा परेको हो । दुर्घटनाको कारण भने खुल्न सकेको छैन । ट्याक्टर दुर्घटनामा परेको बारे शनिबार बिहानमात्रै थाहा भएको थियो ।annapurnapost