वीरगंज । पछिल्लो २४ घण्टामा भक्तपुर र चितवन जिल्लामा दुई जना मृत अवस्थामा फेला परेका छन् । भक्तपुरको मध्यपुर ठिमी नगरपालिका-३ कौशलटार कुटुटोलस्थित गणेश मन्दिरको प्राङ्गणमा सालनाल सहितको नवजात बालिका शिशुको शव आइतबार फेला परेको हो ।

त्यस्तै चितवनको भरतपुर महानगरपालिका-२७ सिसवारस्थित नारायणी नदीमा हाल नाम, थर, वतन नखुलेका अन्दाजी ३० वर्षीय पुरुष आइतबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।