सिरहा | सिरहाको माडरस्थित आईतबार दिउँसो सील गरिएको गोदामहरुबाट नक्कली स्टीकरबाला दारु प्याकेट हटाएर सक्कली स्टीकरबाला दारु भर्न लागिएको खवर प्राप्त भएको छ ।
आईतबार माडरस्थित नक्कली स्टीकर लगाएर राजस्व छली गरेको आरोपमा सीलबन्दी गरिएको केही गोदामहरुमा माथिल्लो छतको एलिबेस्टर हटाएर अर्को रक्सी भर्न लागेको स्थानीयहरुले जानकारी दिएको हो ।

माडरको प्रहरीदेखि माथिल्लो तहसम्म कनेक्सन मिलाएर ट्रकमा भरेर ल्याएको रक्सीको कार्टनुहरु अहिले धमाधम भरिरहेको जानकारी प्राप्त भएको छ । आधा स्टीकर लगाएकै भरमा सील गरिएको विभिन्न गोदामहरुमा माथिल्लो छाना हटाएर नक्कलीबाला निकाल्दै सक्कली स्टीकरको दारु भर्न लागेको हो ।

नक्कली ठहरिएमा सोही अनुसार जरिवाना र सजाय हुने व्यवस्था भएकोमा सो बाट बच्नको लागि गोदाम सील भएको अवस्थामा माथिबाट नै छाना हटाएर दारु भर्न लागेको हो । यस सन्दर्भमा जिल्ला प्रहरी कार्यालय सिरहा र आन्तरिक राजस्व कार्यालय लहानलाई समेत जानकारी भएको बताईएको छ ।

यसको लागि पनि तलदेखि माथिल्लो तहसम्म मिलोमत्तो भएको बताईएको छ । यस प्रकरणलाई अन्जाम दिनको लागि केही पत्रकारहरुको समेत सँलग्नता रहेको बुझिएको छ ।