वीरगंज । पूर्वीचितवनको रत्ननगरमा रहेको साहारा सुपर मार्केटमा आगलागी भएको छ । रत्ननगर नगरपालिका वडा नम्बर १ मा रहेको मार्केटमा गएराति आगलागी भएको हो ।

आगलागीबाट मार्केटभित्र रहेको तिनवटा पसलमा क्षति पुगेको छ । सुहाना फेसन कलेक्सनमा पूर्ण क्षति भएको र अन्य दुई पसलमा आशिंक क्षति भएको प्रहरीले जनाएको छ ।

सुहाना कलेक्सनमा रहेको सम्पूर्ण कपडा , फर्निचरहरु जलेर नष्ट भएको छ । प्रारम्भिक जानकारी अनुसार आगलागीबाट करिब ८० लाखको क्षति भएको खुलेको छ । राति करिब ११ बजे लागेको आगो दमकलको सहायतामा करिब एकघण्टापछि नियन्त्रणमा आएको थियो ।