जनप्रतिनिधिहरू (वडाध्यक्ष)बीचको विवादले सर्लाहीको पर्सा गाउँपालिका कार्यालय दुई सातादेखि ठप्प छ । उनीहरूले १ फागुनमा कार्यालयमा तालाबन्दी गरेका हुन् ।

गाउँपालिकामा भइरहेका गतिविधिबारे सूचना माग्दा नदिएपछि तालाबन्दी गरेको पर्सा गाउँपालिका– २, का वडाध्यक्ष राकेश रामले बताए ।

आर्थिक वर्ष ०७९/८० मा सम्पन्न भएका योजनाको आर्थिक विवरण तथा आयव्यय माग गर्दा नदिएको, विभिन्न शिर्षकमा खर्च भएका हिसाब पारदर्शी नभएको, पालिकाका कर्मचारीले जिम्मेवारीअनुसार काम नगरेर दुःख दिएको उनले आरोप लगाए ।
वडाध्यक्षहरूले गत आर्थिक वर्ष ०७९/८० को फाँटवारी, जिन्सी प्रतिवेदन, राजस्व दाखिला प्रतिवेदनलगायत विवरण उपलब्ध गराउनुपर्ने माग गरेका छन् ।