

बारा । सिकिन्द्र साह। बारा जिल्लाको सिम्रौनगढ नगरपालिकाको क्रिकेट ग्राउण्ड फिल्डमा आज भागवत यादव स्मृति प्रतिष्ठान T20 क्रिकेट टुर्नामेन्ट आयोजना गरिएको छ।
कार्यक्रमका प्रमुख अतिथि सिम्रौनगढ नगरपालिकाका पूर्व नगर प्रमुख विजय शंकर यादव रहनु भएको थियो भने विशेष अतिथिको रूपमा क्यानका उपाध्यक्ष रौशन सिंह रोयलको उपस्थिति रहेको थियो।



आज भएको खेलमा देवापुर टेटा र कचोर्वा टिम बीच प्रतिस्पर्धा भएको थियो। खेलमा कचोर्वाले टस जितेर पहिला फिल्डिङ रोजेको थियो।
पहिला ब्याटिङ गरेको टेटाले उत्कृष्ट प्रदर्शन गर्दै *२११ रन* बनाएको थियो। जवाफी ब्याटिङमा उत्रिएको कचोर्वा टिम भने *९२ रनमै समेटिन* पुग्यो।
१६ ओभरको खेलमा सम्पुर्ण विकेट गुमाएर कचोर्वाले ९२ रन मात्र बनाउन सकेपछि *टेटा ११९ रनको फराकिलो अन्तरले विजयी* भएको हो।
खेल हेर्नका लागि क्रिकेट ग्राउण्डमा स्थानीय खेलप्रेमी, युवा तथा राजनीतिक कर्मीहरूको उल्लेख्य उपस्थिति रहेको थियो। खेलाडीहरूको उत्कृष्ट प्रदर्शनले दर्शकहरू निकै उत्साहित भएका थिए


