राजविराज । पूर्व–पश्चिम राजमार्गअन्तर्गत् सप्तरीको वीरेन्द्रबजारमा स्कोरपियो र मोटरसाइकल एकापसमा ठोक्किँदा दुईजनाको मृत्यु भएको छ ।
सो दुर्घटनामा परी मोटरसाइकलचालक सप्तरीको राजगढ गाउँपालिका–६ बस्ने ३५ वर्षीय राकेशकुमार यादवको घटनास्थलमै मृत्यु भएको प्रहरी नायब उपरीक्षक तिलक भारतीले बताए ।
यस्तै, मोटरसाइकलको पछाडि सवार सोही गाउँपालिका बस्ने ३५ वर्षको प्रभात यादवको राजविराजस्थित गजेन्द्रनारायण अस्पतालमा उपचारका क्रममा बुधबार मृत्यु भएको प्रहरी उपरीक्षक भारतीले जानकारी दिए ।
पूर्वबाट पश्चिमतर्फ जाँदै गरेको च१च १३८१ नम्बरको स्कोरपियोले विपरीत दिशाबाट आउँदै गरेको यादव सवार स१०प ८२५ नम्बरको मोटरसाइकललाई ठक्कर दिएको थियो ।imagekhabar
