वीरगंज | नेपाल आयल निगमले काठमाडौं उपत्यकामा आज (आइतबार) पनि विभिन्न ७ स्थानबाट ग्यास सिलिण्डर बिक्री वितरण गर्ने भएको छ ।
शनिबार काठमाडौं जिल्लाका ५ स्थानबाट विभिन्न कम्पनीका झण्डै सात हजार ६ हजार सिलिण्डर बिक्री गरिएकामा आज पनि त्यसलाई निरन्तरता दिन लागीएको हो । आइतबार बिहान ११ बजेदेखि साँझ ५ बजेसम्म ७ स्थानबाट ग्यास बिक्री गर्न लागिएको नेपाल आयल निगमले जनाएको

ग्यास लिन नागरिकता वा राष्ट्रिय परिचयपत्र अनिवार्य गरिएको छ ।

निगमका अनुसार आइतबार टेकुस्थित निगमको परिसर, पशु सेवा शाखा चपली बूढानीलकण्ठ, राधास्वामी कीर्तिपुर परिसर, नयाँ बजारस्थित जुडो हल परिसर, तारकेश्वर नगरपालिकाको परिसर, चन्द्रागिरि नगरपालिका कार्यालय र राष्ट्रिय क्षयरोग केन्द्र ठिमी भक्तपुरबाट ग्यास बिक्री गरिनेछ ।

यी बिक्री केन्द्रमा फरक फरक ब्रान्डका ग्यास सिलिण्डर उपलब्ध हुनेछन् ।

निगमले सार्वजनिक गरेको विवरणअनुसार टेकुमा नेपाल, एचपी, एभरेस्ट/सुगम, श्रीराम र सगर ग्यास बिक्री वितरण हुने छ ।

पशु सेवा शाखा चपली बूढानीलकण्ठमा नेपाल, एचपी र भानु तथा राधास्वामी कीर्तिपुरमा नेपाल, एचपी, एभरेस्ट/सुगम, श्रीकृष्ण, साइबाब र श्रीमाया ग्यास पाइने छ ।

जुडो हल नयाँ बजारमा नेपाल, एचपी र ओम तथा तारकेश्वरमा नेपाल र एचपी ग्यास बिक्री वितरणको प्रबन्ध मिलाइएको निगमले जनाएको छ ।

चन्द्रागिरि नगरपालिका कार्यालय परिसरबाट लोकप्रिय, नेपाल, एचपी र श्रीमाया ग्यास विक्री वितरण हुने छ । यसैगरी भक्तपुरको ठिमीस्थित राष्ट्रिय क्षयरोग केन्द्र परिसरबाट नेपाल, एचपी, सूर्य, सगर, एभरेस्ट/सुगम र एसटीसी ब्रान्डका सिलिण्डर बिक्री वितरण गरिने नेपाल आयल निगमको सूचनामा उल्लेख छ ।