वीरगंज | कक्षा १२ को नतिजा सार्वजनिक भएको छ । आज (शुक्रबार) बसेको राष्ट्रिय परीक्षा बोर्डको बैठकले कक्षा १२ काे नतिजा सार्वजनिक गरेको बाेर्डका प्रवक्ता जयन्ती सत्यालले जानकारी दिइन् ।
कक्षा १२ काे परीक्षामा देशभरबाट कूल ४ लाख १८ हजार १७० जना परीक्षार्थी सहभागी भएकोमा तीमध्ये ६४.१३ प्रतिशत परीक्षार्थी उत्तीर्ण भएको बोर्डले जनाएको छ ।
कक्षा १२ को परीक्षा गत वैशाख १४ गतेदेखि भएको थियो ।
परीक्षाको मर्यादा विपरीत कार्य गर्ने कुल ४० जना परीक्षार्थीको परीक्षा रद्द गरिएको छ। जसमा नियमिततर्फका ३० जना र आंशिकतर्फका १० जना रहेका छन्।
नतिजा कसरी हेर्ने?
विद्यार्थीहरूले विभिन्न माध्यमबाट आफ्नो नतिजा हेर्न सक्नेछन्:
वेबसाइट: राष्ट्रिय परीक्षा बोर्डको वा नेपाल टेलिकमको मा लगइन गरेर।
SMS: NEB टाइप गरी स्पेस दिएर सिम्बोल नम्बर राखी १६०० मा म्यासेज पठाएर।
IVR/USSD: नेपाल टेलिकमको १६०१ नम्बरमा डायल गरेर वा *१६०१# बाट।
