वीरगन्ज | पर्साको पटेर्वा सुगौली गाँउपालिकाकी उपाध्यक्ष ममता महत्तो थारुले कृषि,शिक्षा,स्वास्थ्य र पर्यटन क्षेत्रलाई मुख्य प्राथमिकतामा राखेर गाँउपालिका अगाडि बढिरहेको बताएकी छन् ।मंगलबार पर्साको पटेर्वासुगौली गाउँपालिका–४ स्थित गाँउपालिका कार्यालयकोे प्रांगणमा आयोजित सार्वजानिक सुनवाई कार्यक्रममा बोल्दै उपाध्यक्ष थारुले ‘कृषि, पर्यटन, हरियो वन,समृद्ध पटेर्वासुगौलीको खुशीयाली मन’ नाराका साथ आँफुहरु अगाढि बढिरहेको बताइन्। कर्यक्रममा सहभागी स्थानीयबासीको सल्लाह,सुझाव र प्रश्नको सम्बोधन गर्दै उपाध्यक्ष थारुले चालु आर्थिक बर्षको नीति तथा कार्यक्रम अनुसार योजनाहरु सम्पन्न भएको र केहि योजनाहरु सम्पन्न हुने अन्तिम चरणमा रहेको जानकारी दिइन् ।उपाध्यक्ष महतोले कृषि प्रायोजनका लागि सिचाई गर्न विद्युतीय तार र पोल जडान, कृषि उत्पादनलाई भण्डारण गर्नका लागि दुई वटा कोल्ड स्टोर निर्माण , कृषि बजारको व्यवस्थापन लगायतको पञ्चबर्षीय योजनाहरु कार्यन्वन भइरहेको बताइन् ।

साथै एक वडा एक माध्यमिक बिद्यालयको अवधारणा अनुरुप काम भइरहेका र सामूदायिक विद्यालयको शैक्षिक गुणस्तर अझ बढाउन आँफुहरु लागिपरेको उनले बताइन् ।वडा नम्बर ४ मा सुविधासम्पन्न वडा कार्यालय भवन निर्माण गरि सञ्चालनमा आइसकेको तथा अबको केहि महिनाभित्रै पालिकाको आफ्नै प्रशासनिक भवन पनि निर्माण सम्पन्न भइ सञ्चालनमा आउने उपाध्यक्ष महतोले बताइन्। यसकासाथै विभिन्न वडामा ढलान सडक, नाला निर्माण,सामुदायिक भवन निर्माण, काालोपत्रे सडक निर्माण,सिंचाईका मुहान संरक्षण, पुलपुलेसा लगायतको निर्माण गरिएको जानकारी उनले गराइन् ।उपाध्यक्ष महतोले नेपाल सरकारको नियमानुसार विकास निर्माणका कार्यहरु ठेक्कापट्टा र उपभोक्ता समिति मार्फत भईरहेको बताईन्। तर उपभोक्ता समिति मार्फत हुने योजनाका कार्यहरुमा ढिलाई हुने, अनुगमन गर्दा गुणस्तरमा कमि देखिएकोपनि उपाध्यक्ष महतोले बताइन्। पटेर्वा सुगौली गाँउपालिकाको आयोजना तथा सृजनाशील महिला विकास केन्द्रको समन्वयमा आयोजित कार्यक्रममा गाँउपालिका उपाध्यक्ष महतोले चालु आर्थिक बर्ष २०८१/८२ सालमा हालसम्म ८७ वटा साना ठूला योजनाहरु सम्पन्न भएको जानकारी गराइन् । कार्यक्रममा पटेर्वा सुगौली गाँउपालिकाका प्रमुख प्रशासकीय अधिकृत प्राण मेहताले बजेट सिमित हुदाँ जनताको अपेक्षा पुरा गर्न कडिनाइ भइरहेको बताए । त्यसमा पनि प्रत्येक बर्ष सरकारले बजेट रकम कटौती गर्दै आएको गुनासो उनले गरे ।

जनप्रतिनिधिहरुले जनताको आवश्यकता र प्राथमिकताका आधारमा निर्माण गरेका योजनाहरुलाई कार्यवन गरिएको प्रमुख प्रशासकीय अधिकृत मेहताले बताए।साथै गाँउपालिका कार्यलयबाट सहज सेवा प्रवाहलाई आँफुहरुले ध्यानमा राखेको उनले बताए । कार्यक्रममा सहभागी वडाबासीहरुले सिचाई, सडक, नाला, विद्युतिय पोल र तार तथा बिभिन्न कार्यक्रममा थारु समुदायको सहभागिता बढि हुने र दलित तथा मुस्लिम समूदायका सहभागिता एकदमै न्यून भएको तथा शिवम ह्याचरीका कारण बस्ती दुर्गन्धित भएको गुनासाहरु राखेका थिए । गाँउपालिका उपाध्यक्ष महत्तोको अध्यक्षता तथा प्रमुख प्रशासकीय अधिकृत मेहताको विशिष्ठ आतिथ्यतामा भएको कार्यक्रममा वडाध्यक्षहरु विजय गैरे, माधव प्रसाद राउत थारु, बासु पञ्जियार,पूर्व गाविस अध्यक्ष प्रमेश्वर गौरो,गाँउकार्यपालिका सदस्य,वडा सदस्य,पाँच वटै वडाका स्थानीय,कर्मचारी,शिक्षक,सञ्चारकर्मी लगायतकाकोपनि सहभागिता रहेको थियो ।