मोतिहारी । संवाददाता मोतिहारी चेम्बर अफ कमर्शको आयोजनामा आयोजित व्यवसायीबीचको B2B मिटिङ सफलतापूर्वक सम्पन्न भएको छ। २०८२ साल जेठ ३० गते सम्पन्न उक्त कार्यक्रममा सीमाञ्चल क्षेत्रमा देखिएको औद्योगिक, व्यापारिक तथा पर्यटक सम्बन्धी समस्याहरूको समाधानका लागि संयुक्त सहकार्य गर्ने अवधारणामा सहभागीहरूले जोड दिएका छन्।
कार्यक्रममा वीरगञ्ज उद्योग वाणिज्य सङ्घका अध्यक्ष हरिप्रसाद गौतम, वरिष्ठ उपाध्यक्ष माधव राजपाल, उपाध्यक्ष मनोजकुमार दास, महासचिव शिवजी प्रसाद साह, कोषाध्यक्ष अनोज रुँगटा, सचिव प्रेमचन्द्र गोयल, सहसचिव नरेशकुमार टिबडेवाल र अनुप अग्रवालसहित कार्यसमिति सदस्यहरूको सक्रिय सहभागिता रहेको थियो।
साथै, मोतिहारी चेम्बर अफ कमर्शका पदाधिकारी, कार्यसमिति सदस्यहरू तथा विभिन्न सञ्चारमाध्यमका प्रतिनिधिहरूको समेत उल्लेखनीय उपस्थिति रहेको उक्त मिटिङमा दुई देशबीचको व्यापारिक सम्बन्ध थप सुदृढ बनाउने विषयमा गम्भीर छलफल भएको थियो।
उक्त बैठकले नेपाल–भारत सिमाक्षेत्रको आर्थिक विकासमा निजी क्षेत्रको सहकार्य अत्यन्तै महत्वपूर्ण हुने निष्कर्ष निकालेको छ।
