वीरगन्ज । प्रतिनिधि सभाको आगामी निर्वाचन आउन केही समय बाँकी रहँदै निर्वाचन र सम्भावित उम्मेदवारबारे चर्चा र बहस हुन थालेको छ । यही माहोलबीच युवा व्यवसायी रुपेश कुमार पाण्डेयको उम्मेदवारी तयारीको चर्चा व्यापक बन्दै गएको छ । स्थानीयस्तरमा सक्रियता, स्पष्ट भिजन र व्यवहारिक योजनाका आधारमा पाण्डेय जनताबीच लोकप्रिय हुँदै गएका छन् । प्रायस्ले मिसन ८४ अभियान सहित देश दौडाहामा लागिरहँदा पाण्डे पनि जनताको माझमा भिज्दै गएका छन् ।
नागरिकस्तरबाट नै उनलाई २०८४ मा हुने निर्वाचनबाट सांसद बनेर विकासका काममा आउनुपर्ने दवाव दिइरहेका छन् ।
नेताहरूको देश दौडाहा तीव्र भइरहेका बेला पाण्डेय भने पर्सा–३ भित्रका गाउँ, बजार र बस्तीमा जनसंवादमै केन्द्रित छन् । क्षेत्रका जनताको अपेक्षा, समस्या र सुझाव सुन्ने क्रममा उनी चुनावी प्रतिस्पर्धाका लागि आफूलाई प्रस्तुत गरिरहेका छन् ।
चिया पसलदेखि गल्लीसम्म पाण्डेयप्रतिको समर्थनसांसदकै रूपमा भइरहेको देखिन्छ । युवावर्गदेखि बुद्धिजीवी समुदायसम्म पाण्डेयप्रति बढ्दो आशा र समर्थन बाँक्लिँदै गएको छ ।

स्थानीय विकासको विस्तृत एजेन्डासहित मैदानमा

रुपेश पाण्डेयले पोखरिया, पकाहा, महुवन, चीपुर लगायत क्षेत्रका बजारहरूलाई व्यवस्थित र आधुनिक बनाउने योजना अघि सारेका छन् । धार्मिक गन्तव्य भाडा भगवान स्थलको संरक्षण तथा प्रवर्द्धनका लागि राष्ट्रिय निकुञ्जसँग समन्वय गर्ने प्रतिबद्धता पनि उनले व्यक्त गरेका छन् ।

पोखरिया बजारको विकासलाई विशेष प्राथमिकता दिँदै उनी भन्छन्, ुअबको पोखरिया पुरानै स्वरूपमा होइन, व्यवस्थित र आधुनिक हुनु जरुरी छ ।ु कृषिमा प्रविधिकरण, शिक्षा र स्वास्थ्यमा सहज पहुँच, मठमन्दिरको संरक्षणजस्ता विषयलाई उनले चुनावी मुद्दा बनाउँदै आएका छन् ।

कृषिमा प्रविधिको प्रयोग, शिक्षा र स्वास्थ्यमा सहज पहुँच, मठमन्दिरको संरक्षण, युवाका लागि रोजगारी सिर्जना, पूर्वाधार विकासलगायत विषयमा स्पष्ट भिजनसहित अघि बढिरहेका पाण्डेय भन्छन्, ुअबको आवश्यकता नारावादी राजनीति होइन, योजनावद्ध र परिणाममुखी नेतृत्व हो ।ु
विगतमा जनताबाट भोट लिएर सत्तामा पुगेपछि पार्टी र आफ्ना नजिकका मानिसलाई मात्रै प्राथमिकता दिने नेताको प्रवृत्तिबाट नागरिक आजित भएको पाण्डेले बताए ।
पाण्डेयले पर्सा–३ भित्र पर्ने ७ वटा स्थानीय तह र ३५ वटा वडालाई आर्थिक, सामाजिक र पूर्वाधारको दृष्टिकोणबाट समुन्नत बनाउन दीर्घकालीन योजना बनाइसकेको जनाएका छन् ।

समाजसेवामा बढ्दै सक्रियता

पाण्डेयले पर्सा जिल्लाको मानिकपुर, वार्ड नम्बर २ निवासी पाण्डेयले विगत केही वर्षदेखि समाजसेवा, स्थानीय समस्या बुझ्ने र समाधान खोज्ने कार्यमा निरन्तर सक्रियता देखाउँदै आएका छन् । यही निरन्तरताको आधारमा नागरिकले उनीप्रति भरोसा बढाइरहेका छन् ।

ुअब प्रतिनिधित्व पार्टीको अनुहारबाट होइन, काम गर्ने क्षमताबाट मूल्यांकन हुनु जरुरी छ, उनी भन्छन्,ुजनताले भोगेको पीडालाई अनुभूति गर्न सक्ने नेतृत्व नै साँचो प्रतिनिधि हो ।

पाण्डेयको सक्रियता र सम्भावित उम्मेदवारीले पर्सा–३ मा राजनीतिक चर्चा मात्रै होइन, स्थानीय विकासको बहस पनि सुरु गरेको छ । ‘विकासको ढोका खोल्ने प्रतिनिधि’को रूपमा उनी आफूलाई प्रस्तुत गरिरहेका छन् । उनका समर्थकहरू भन्छन्, ुयो अबको पुस्ताको नेतृत्व हो, जसले देखाउने होइन, गरि देखाउने समय ल्याएको छ ।

पर्सा जिल्लाबाट ४ जना प्रत्यक्ष प्रतिनिधि सभा सदस्य, ८ जना प्रदेश सभा सदस्य तथा ५ जना मन्त्री बनिसकेका छन् । तर पनि अपेक्षित विकास नहुनु दुस्खद रहेको पाण्डेयको ठम्याइ छ । उनले भने, ुराजनीतिक प्रतिनिधित्व उच्च भए पनि विकासमा गति नआउनु विडम्बना हो ।ु
उनका अनुसार जिल्लाको व्यापारिक, सामाजिक तथा भौगोलिक सम्भावनालाई व्यवहारमा उतार्न सक्ने नेतृत्व आवश्यक छ । त्यसका लागि अब नेतृत्व समाज–केन्द्रित र उत्तरदायी हुनुपर्छ ।